गुल्मी उद्योग वाणिज्य संघको अध्यक्षमा मृगेन्द्रप्रसाद श्रेष्ठ विजयी

गुल्मी, चैत्र २२: गुल्मी उद्योग वाणिज्य संघको ३३ औँ साधारण सभा एवं अधिवेशनमा आज भएको अध्यक्ष पदको निर्वाचनमा तम्घासका व्यवसायी मृगेन्द्रप्रसाद श्रेष्ठ भारी मतले विजयी भएका छन।

कुल खसेको ५३५ मत मध्ये श्रेष्ठले ३२१ मत प्राप्त गरी विजयी भएको निर्वाचन अधिकृत विष्णु प्रसाद बलालले घोषणा गरे। उनका निकटतम प्रतिस्पर्धी रामप्रसाद पन्थीले २०१ मत प्राप्त गरेको बलालले जानकारी दिए। कुल मत भने ५८५ थियो। खसेको मत मध्ये १३ मत बदर भएको छ।

दुई कार्यकाल सम्म उपाध्यक्ष रहेका श्रेष्ठ जिल्लाका व्यवसायी बिच सरल र प्रभावशाली नेताका रुपमा चिनिन्छन। २०४० सालमा गुल्मी उद्योग वाणिज्य संघको स्थापना भएको थियो। संस्थापक देखि ३ कार्यकाल नन्दराम भुसाल हुन। दुई कार्यकाल राजेन्द्र प्रसाद श्रेष्ठ अध्यक्ष थिए। कार्यकालका हिसावले अहिलेका अध्यक्ष १६ औँ हुन भने व्यक्तिका हिसाबले ११ औँ अध्यक्ष हुन।

२०७५ सालको अधिवेशन सम्म आउँदा काङ्ग्रेस, एमाले, माओवादी लगायतका सबै दल विचारका व्यवसायीहरुको छाता सङ्गठन थियो। २०७५ सालको अधिवेशनमा एमाले निकट निवर्तमान अध्यक्ष दुर्गा प्रसाद पाण्डेले पुनः अध्यक्षमा दोहोरिने चाहेको र काङ्ग्रेस निकट निवर्तमान वरिष्ठ उपाध्यक्ष श्रीप्रसाद भलामीले स्वतः अध्यक्ष पाउनु पर्ने अडान लिए पछि एमाले, माओवादी सहितका वामपन्थीहरु निस्केर चेम्बर अफ कमर्श गठन गरेका थिए।
त्यस परिघटनाबाट फुटेका साथीहरु गुल्मी उद्योग संघमै समेटेर लैजाने भुमिका खेल्ने नवनिर्वाचित अध्यक्ष श्रेष्ठले बताए।

अध्यक्ष बाहेकका अन्य पदमा भने सबै निर्विरोध निर्वाचित भएका छन। उपाध्यक्षमा तारा प्रसाद भुसाल, ईश्वरी बेलबासे, गोपाल प्रसाद भुसाल, महासचिवमा चेतनारायण पाण्डे, सचिव विष्णु प्रसाद अधिकारी, कोषाध्यक्ष ईश्वरी प्रसाद कंडेल र सहकोषाध्यक्षमा कृष्ण खनाल निर्विरोध निर्वाचित भएका हुन।

त्यस्तै खुल्ला सदस्यहरुमा महेश कुमार राजभण्डारी, बादल श्रेष्ठ, तोमलाल पन्थी, ज्ञान बहादुर भलामी, किशोर प्रसाद मरासिनी, रामु सुनार, चन्द्रमणी भण्डारी, चन्द्रमणी पाण्डे, कमला श्रेष्ठ (बजिमय), शशी केसी पनि निर्विरोध निर्वाचित भएका छन।

यी हुन पुर्व अध्यक्षहरु:
२०४० सालमा नन्दराम भुसालको नेतृत्वमा तम्घास बजार सुधार समिति हुँदै गुल्मी उद्योग वाणिज्य संघको स्थापना भएको पुर्व ‌अध्यक्ष कृष्ण प्रसाद भण्डारी बताउछन्।
२०४०-२०४३, २०५१-२०५४ , २०५४-२०६० सालसम्म तीन कार्याकाल नन्दराम भुसाल अध्यक्षमा निर्वाचित भएका थिए। उनी पछि २०४३-२०४६ सालसम्म नरप्रसाद श्रेष्ठ, २०४६-२०४८ सम्म डिल्लिराज भुसाल, २०४८-२०५१ त्रैलोक्य प्रताप सेन, २०६०-२०६३, २०६३-२०६६ राजेन्द्र प्रसाद श्रेष्ठ दुई कार्यकाल अध्यक्ष रहे। २०६६-२०६९ कृष्ण प्रसाद भण्डारी अध्यक्ष रहे।

२०६९- २०७२ अखिलेश्वर प्रसाद पाण्डे, २०७२-२०७५ सम्म दुर्गा प्रसाद पाण्डेअध्यक्ष रहे। २०७५ देखि २०७८ सम्म श्रीप्रसाद भलामी अध्यक्ष रहे। २०७८ देखि २०८१ को ३३ औँ अधिवेशन सम्म ईश्वरीप्रसाद पौडेल निवर्तमान अध्यक्ष हुन।