तम्घासमा चैत्र २९ गते देखि महोत्सव गरिने, डेढ लाख दर्शक उतारिने

गुल्मी, चैत्र ११: नेपाल चेम्बर अफ कमर्शले गुल्मीको सदरमुकाम तम्घासमा यहि चैत्र २९ गते देखि नयाँ बर्ष २०८२ को बैशाख १३ गते सम्म दोश्रो गुल्मी महोत्सव तथा कृषि , पर्यटन एवं ब्यापार औद्योगिक मेला गर्ने भएकको छ ।

आयोजक चेम्बर अफ कमर्शले ( आज ) सोमबार सदरमुकाममा पत्रकार सम्मेलन गरी यस्तो जानकारी दिएको हो । रेसुङ्गा नगरपालिका २ को नुनथला भन्ने स्थानमा गरिने उक्त महोत्सव तथा ब्यापार मेला स्थानीय उत्पादनलाई प्रोत्साहित गर्न र रेसुङ्गा नगरपालिका संगको समन्व्यमा सामाजिक कार्य गर्न आयोजना गरिएको चम्बर अफ कमर्श गुल्मीका अध्यक्ष दुर्गा प्रसाद पाण्डेले जानकारी दिए ।

त्यस्तै संस्थाका बरिष्ठ उपाध्यक्ष बीरेन्द्र भुसालले देशभर आर्थिक मन्दी आईरहेको बेला सदरमुकाम तम्घासको ब्यापार ब्यवसाय चलायनमान बनाउने र स्थानीय उत्पादन र परिकारको प्रर्बद्धन गर्ने महोत्सवको मुख्य उद्देश्य रहेको बताए ।

    ‘गुल्मी जिल्लाको समृद्धिको आधार , कृषि , पर्यटन , उद्योग र ब्यापार’ भन्ने मुल नाराका साथ आयोजना हुन गईरहेको महोत्सवमा लोक तथा दोहरी गित प्रतिष्ठन गुल्मीको समन्व्यमा देशका देशका चर्चित कलाकार त्यसमा पनि गुल्मीबासी कलाकारलाई बिशेष प्राथामिकता दिने आयोजकले बताएको छ ।

त्यस्तै स्थानीय मौलिक कला सास्कृतिलाई प्रोत्साहित गर्न सरायँ नाच , कालिका नाँच महोत्सवमा प्रदर्शनमा प्रदर्शन गरिने भएको छ । त्यस्तै स्थानीय परिकार उखुको रस, गुण , खुदो , भार्सेको कोदो र फापरको सेल रोटी, विभिन्न जातजातीका परिकारको पनि प्रदर्शनी र ब्यापार गरिने भएको छ । मेलामा बाल उद्यान लगायतका खेलकुद र मनोरञ्जन स्थल पनि राखिने छ । चेम्बर अफ कमर्शका महासचिव यज्ञप्रसाद पन्थीको संयोजकत्वमा सचिवालय गठन गर्दै विभिन्न १७ वटा उपसमिति गठन गरिने समितिका सचिव सुर्यप्रसाद घिमिरेले जानकारी दिए ।

कार्यक्रमका प्रमुुख अतिथी रेसुङ्गा नगरपालिका वडा नम्वर २ का वडाध्यक्ष रामप्रसाद पन्थीले महोत्सवलाई सामाजिक सञ्जाल मार्फत ब्यापक प्रचार गर्न सबैलाई अपिल गर्दै स्थानीय उत्पादन र ब्यापारलाई चलायमान बनाउन भव्य रुपमा सफल होस भन्ने शुभकामना दिएका थिए ।

रेसङ्गा नगरपालिका कार्यपालिका सदस्य सिता बिश्वकर्मा , नेपाल पत्रकार महासंघका अध्यक्ष अनिल खत्री लगायतको बिशेष आतिथ्यता रहेको थियो । आम दर्शकलाई टिकट शुल्क जम्मा सय रुपैयाँ राखिए पनि ५ बर्ष मुनीका बालबालिका र ७० बर्ष माथीको जेष्ठ नागरिक तथा अपङ्गता भएका ब्यक्तिहरुलाई आयोजकले निशुल्क टिकट उपलब्ध गराईने भएको छ । त्यस्तै बिद्यार्थीहरुलाई ५० प्रतिशत छुट दिईने आयोजकले जनाएको छ । करिव डेढ लाख दर्शक उतार्ने र झण्डै ३० करोडको कारोबार गर्ने आयोजकले लक्ष्य लिएको छ ।

चेम्बर अफ कमर्शका अध्यक्ष दुर्गाप्रसाल पाण्डेको अध्यक्षतामा सम्पन्न कार्यक्रममा सचिव सुर्यप्रसाद घिमिरेको सञ्चालन रहेको थियो ।