कालिगण्डकी नदिमा एक युवकको शव फेला

(फाईल  फोटो)

 पाल्पा , चैत्र -१० । पाल्पा अन्तरगत कालिगण्डकी नदिमा एक जना भारतिय युवकको शव फेला परेको छ ।

पाल्पाको बगनासकाली गाउँपालिका -५ रामदी स्थित कालिगण्डकी नदि किनारमा भारतिय नागरिक २५ बर्षिय शिवम पाण्डेको शव फेला परेको हो ।

पाल्पा जिल्ला प्रहरी कार्यालयका प्रबक्ता डिएसपी सुनिल पाण्डेका अनुसार गोरखपुर घर भएका पाण्डे चैत्र ६ गते नुहाउने क्रममा कालिगण्डकी नदिमा बगेर बेपत्ता भएका थिए ।

उनको शव नुहाएको स्थान बाट एक किलोमीटर तल फेला परेको र घटनाको अनुसन्धान भईरहेको मल्लले बताए ।

प्राय हप्तै पिच्छे कालिगण्डकी नदि र तिनाउ खोलाको ड्याममा मानिसहरुको डुबेर मृत्यु र बेपत्ता भएको समाचार बाहिरिदा पनि मानिसहरुले सावधानी अपनाउन र सरोकारवालाले सचेतना कार्यक्रम राख्न सकेका छैन्न ।