गुल्मी मुसिकोटकी गंगा शेरचन हत्याकाण्डका मुख्य अभियुक्त पक्राउ

प्रेम सुनार
गुल्मी , चैत्र २ ।  गुल्मीको मुसिकोट नगरपालिका–७, न्वारा स्थित गङ्गा शेरचन भनेर चिनिने गोपालकुमारी) शेरचनको दुई बर्ष अघि भएको बीभत्स हत्या काण्डका मुख्य अभियुक्त पक्राउ परेका छ्न ।

हत्यापछि फरार रहेका सिन्धुपाल्चोकको बाह्रबिसे नगरपालिका–२ का ४८ वर्षीय बुद्धिमान तामाङलाई चैत्र १ गते सीआईबीले ललितपुरबाट पक्राउ गरेको जानकारी जिल्ला प्रहरी कार्यालय गुल्मीका सूचना अधिकारी डिएसपी चिरञ्जीवी दाहालले जानकारी दिए ।
हो निजलाई सिआईबीले पक्राउ गरेको छ, उसका धेरै काण्डहरु रहेछ्न , अब गुल्मी प्रहरीमा पठाईन्छ डिएसपी दाहालले भने ।

५८ वर्षे शेरचनलाई लुटपाट पछि हत्याका मुख्य योजनाकार तामाङ्ग सहितको ४ जनाको समूहले २०७९माघ १४ गते राती एक्लि महिला शेरचनको न्वारा स्थित होटलमा खानपोन पछि बीभत्स हत्या गरेका थिर ।

बाग्लुङ गुल्मी सिमना तर्फको दरमखोला पुलको मुख नजिकै शेरचनको होटल थियो । माघ १५ गते बिहान अगाडी पछाडी दुब्सी तर्फ ढोका लगाएको अबस्थामा सेरचनको शव फेला परेको थियो ।

सुन र गहना लुट्ने र हत्या गर्ने योजनाका साथ ठूलो खालको टेपले शेरचनको हातखुट्टा बाँधिएको र मुखमा सोही टेप लगाईएको थियो ।

गुल्मी प्रहरीले मात्रै होईन यस घटनामा संलग्नलाई पत्ता लगाउन मुस्किल परेपछि केन्द्रिय अनुसन्धान ब्युरो ( सिआईबी ) को टोलि समेत अनुसन्धान गर्न आएको थियो ।

घटनाको झण्डै १५ दिन पछि यस घटनामा संलग्न मध्येका बागलुङको बडीगाड गाउँपाल थम्मनबहादुर घर्ती, मकवानपुर घर भई काठमाडौंको चन्द्रागिरि नगरपालिका–१० बस्ने लोकबहादुर दर्लामी र सिन्धुपाल्चोक घर भई काभ्रेपलाञ्चोकको धुलिखेल नगरपालिका–७ बस्ने शिवबहादुर तामाङलाई पक्राउ गरि अनुसन्धान गर्दा शेरचन हत्याको मुख्य योजनाकार अहिले पक्राउ परेका तामाङ्ग रहेको त्यति बेला प्रहरीले बताएको थियो ।

उनीहरू पुर्पक्षका लागि कारागार चलान भएका थिए भने तामाङ फरार थिए । शेरचनको हत्यापछि उनीसँग भएको करिब १० तोला सुनका गरगहना लुटपाट गरिएको थियो । सडकको ठेक्का पट्टाको काम गर्ने बाहना बनाएर बाव्लुङ्ग र गुल्मीको लुटपाट योजना बनाउदै आएको त्यस टोलिले माघ १४ गते दिउँसो खानपिन गर्न धेरचनको होटेलमा पसेको स्थानीयले बताएका थिए ।

पक्राउ परेका तामाङ्गको समूहले डाँकाचोरीको श्रृङ्खला चलाएको र यस बाहेक थप चार वटा मुद्दामा फरार रहको खुलेको तथा तीन वटा मुद्दा भने उनीहरूविरुद्ध चलिसकेको पाईएको दिआईबिका प्रबक्ता एसपी सुधीररान शाहीले संचार माध्यमलाई बताएका छ्न । लुटेराहरुको शिकार बनेकि शेरचन बाग्लुङ हाडिखोला स्थित प्रतिष्ठित शेरचन परिबारकि अविवाहित चेली थिईन ।