बाग्लुङमा जिप दुर्घटना हुँदा २ को मृत्यु, ५ घाईते

गुल्मी,  फागुन  १२: छिमेकी जिल्ला  बागलुङको  बडिगाड  गाउँपालिकामा  सोमबार साँझ  पिकपिक जिप दुर्घटना हुँदा दुई  जनाको  मृत्यु भएको छ। पाँच जना घाइते भएका छन्।

बडिगाड गाउँपालिका–७, भिमगिठेदेखि यात्रु लिएर वडा नम्बर १० दर्लिङतर्फ जाँदै गरेको लु ३ च ५५६९ नम्बरको जिप सोमबार साँझ वडा  नम्बर ९ मा दुर्घटना हुँदा निसीखोला गाउँपालिका–७ चोलाङका ७५ वर्षिया खड्क बहादुर कुवँर र ढोरपाटन नगरपालिका  वडा  नम्बर ५ का ३५ वर्षीया जुना कँडेलको मृत्यु भएको जिल्ला  प्रहरी कार्यालय  बाग्लुङले  जनएको छ।

जिल्ला प्रहरी कार्यालय बागलुङका नाईट ड्युटी अफिसर सङ्ग हामीले राति १२:४५ बजेको  समयमा बुझ्दा जिप  उकालो चढ्न  नसकेर  ब्याक हुने  क्रममा दुर्घटना हुँदा २  जनाको  मृत्यु  भएको  र  पाँच जना  घाईते भएको  पुष्टि गरे। घाईतेको  बुर्तिबाङ्ग  प्राथमिक उपचार केन्द्रमा उपचार भएको उनले जानकारी गराए।‌