गुल्मीकी एक युवती रुपन्देहीमा मृत फेला

गुल्मी, पुस २२ । गुल्मीकी एक युवती रुपन्देहीको तिलोत्तममा नगरपालिकास्थित आफै बस्दै आएको कोठामा आज विहान मृत फेला परेकी छन । गुल्मीको मालिका गाउँपालिका– ८ मरभुङ्ग रैथुम टोलकी २० बर्षीया बिमला राना तिलोत्तममा नगरपालिका – २ शंकरनगरस्थित नेवारी खाजा घरको कोठामा मृत फेला परेकी हुन् ।

बुटवल ईलाका प्रहरी कार्यालयका प्रमुख डिएसपी विजय  पण्डितका अनुसार त्यस खाजा घरमा काम गर्दै आएकी २० बर्षीय बिमला आफु बस्ने कोठामा झुण्डिएको अबस्था मा मृत फेला परेकी हुन । उक्त सुचना प्राप्त हुन साथ त्यस कार्यालयबाट प्रहरीको टोली घटना स्थलमा पुगेको छ ।

डिएसपी पण्डितले गुल्मी स्थित उनको घरबाट आफन्तहरु झिकाईएको र अनुसन्धान भईरहेको जानकारी दिए ।  घटना स्थलमा रहेका पत्रकार यामलाल भुसालका अनुसार उनि गत १४ महिना देखि त्यस नेवारी खाजा घरमा काम गर्दै आएकी थिईन । सोही खाजा घरको कोठामा उनि बस्ने गर्दथिन ।

उनले राती साढे ११ बजे देखि १२ बजेको समय अवधीमा फेशबुकमा बाबु आमा सम्झेर स्टाटस लेखेको उनलाई चिन्नेहरुले बताएको पत्रकार भुसालले बताए । मालिका गाउँपालिका ८ का वडाध्यक्ष सुर्यबहादुर जिसीले उक्त खबर पाउन साथ मृतकका बाबु थम्मनबहादुर कुमाल र उनकी श्रीमतिलाई रुपन्देही पठाईएको जानकारी दिए ।