पक्की पुल बनेपछि गुल्मीको कालीगण्डकीवासीलाई सदरमुकाम भन्दा पोखरा नजिक

– प्रेम  सुनार

पुस  १७,  पुर्तिघाट: ‌गुल्मीको कालीगण्डकी गाउँपालिकाको केन्द्र पुर्तिघाट र पर्वतको बिहादि गाउँपालिका जोड्ने मोटरेवल पक्कि पुल बने पछि कालीगण्डकी गाउँपालिकाबासिलाई सदरमुकाम तम्घास भन्दा ठुलो शहर पोखरा नजिक बनेको हो।

त्यहाँका बासिन्दालाई गाडीमा सदरमुकाम तम्घास आउन झण्डै ५ घण्टा लाग्ने र पक्की पुल बने पछि पोखरा दुई देखि तिन घण्टामा पुग्न सकिने स्थानीय बासीले बताए ।

निर्माण कार्य सुरु भएको ८ बर्ष पछि पुल सप्पन्न भई मङ्ग्लबार गुल्मी क्षेत्र नम्बर १ का सासद डाक्टर चन्द्र भण्डारीले उद्घाटन गरेका छ्न ।

त्यस पुलको शिलान्यास २०७३ सालमा भएको थियो । तर शिलान्यासको सात आठ बर्ष वित्दा पनि बजेट नपरेर पुल निर्माण कार्य अलपत्र परेको थियो ।

कालिग्ण्डकि गाउँपालिका अध्यक्ष वेदबहादुर थापा मगरले अघिल्लो कार्यकाल अध्यक्ष छ्दा पनि कुनै नेताले साथ नदिएको भन्दै मिडिया बाट समेत हारगुहार गरिरहेका थिए ।

उनको दोश्रो कार्यकालम गुल्मी क्षेत्र नम्बर १ का प्रतिनिधि सभा सदस्य डाक्टर चन्द्र भण्डारीले साथ दिए पछि उप्त पुल सम्पन्न हुन सकेको गाउँपालिका अध्यक्ष वेदबहादुर थापाले बताए । चन्द्र दाई यहि हुनुहुन्छ २०६४ सालमा उहाँले पुर्तिघाट र पर्वत जोड्ने पुल बन्नु पर्छ र बन्दै छ भनेर फेशबुकमा राख्नु भएको थियो ।

२०७३ सालमा आई पुग्दा यस क्षेत्रका सासद कृष्ण छन्त्याल हुनुहुन्थ्यो । केहि बजेट पर्यो पनि त्यस यता बजेट नपरेर पुल अलपत्र परेको थियो । यो पुल कुनै पार्टिले बनायो भनेर त म भन्दिन तर योगदान गरेका ब्यक्तिको नाम लिनै पर्छ । हाल सम्म जो जसले योगदान पुराउनु भयो उहाँहरु सबैलाई सम्झिन चाहन्छु ,- गाउँपालिका अध्यक्ष थापाले भने ।

उनले उप्त पुल बने पछि कालिगण्डकि गाउँपालिका बासीलाई सदरमुकाम तम्घास भन्दा पोखरा नजिक परेको प्रति खुशि ब्यक्त गरेका थिए ।

त्यो पुल अघि कालिगण्डकि कोरिडोर सडक नै अलपत्र थियो । २०६४ सालमा साविक क्षेत्र नम्बर १ का संविधान सभा सदस्य सुदर्शन बरालले नेपाली सेनाको सडक निर्माण कार्यदललाई निर्माणको जिम्मा दिने कार्यमा अहम भुमिका खेलेका थिए ।

त्यस्तै नेकपा एमालेका उपमसाचिब तथा पुर्व मन्त्री प्रदीप कुमार ज्ञवालि , नेपाल सरकारका नेपाल सरकारका तत्कालीन उच्च पदस्थ अधिकारीहरुको पनि कालिगण्डकि कोरिडोर सडक निर्माणमा उत्तिकै योगदान छ ।

पर्वत स्याङ्जाका माननीयहरुको पनि उत्तिकै योगदान छ उनिहरुलाई उद्घाटनमा सम्झनु पर्दथ्यो भनेर कार्यक्रमका बक्ता नेकपा एमाले बाट रामजि ढकाल र माओवादी केन्द्र बाट लिल बहादुर केसि सन्जयले आवाज उठाएका थिए । उनिहरुको भनाई ठिक भएको भन्दै कालिगण्डकि गाउपालिका उपाध्यक्ष मन्जु कुमारी दर्लामिले समर्थन जनाएकि थिईन ।

कालिगण्डकि गाउँपालिका प्रमुख प्रशासकीय अधिकृत नरेश गिरिले पुल बने पश्चात दुर्गम गाउँ कालिगण्डकि सुगम हुने खुशी पलाएको बताएका थिए ।

उप्त पुल १२५.९० मिटर रहेको सुरुमा तम्घास सिमलटारि मदन भण्डारी राजमार्ग आयोजनाले जिम्मा पाएको पछि सडक डिभिजन कार्यालयले निर्माणको जिम्मा लिएको र यसको लागत १३ करोड ९९ लाख ५६ हजार ३१५ रहेको सडक डिभिजन कार्यालय पाल्पाका इन्जिनियर दुर्गा गौतमले जानकारी दिए ।
त्यस पुल निर्माणको जिम्मा पाएको एलिट कन्ट्रक्सन प्रालि काठमाडौका प्रतिनिधि अच्युत लम्सालले पुल बनेर बुझाए पनि झण्फै चार करोड भुक्तानी लिन बाकि रहेकोले सासद भण्डारीलाई छिटो भुक्तानीका लागि पहल गरि दिन आग्रह गरेका थिए ।

कार्यक्रमका बिशिस्ट अतिथि चन्द्रकोट गाउँपालिका अध्यक्ष युवराज गौतमले माओवादी केन्द्रका नेता सुदर्शन बराल र आफुहरुले पोखरा पर्वत कालीगण्डकी शान्तिपुर हुदै प्रदेशको राजधानी दाङ्ग सम्म यो सडकलाई महत्वपूर्ण सडकका रुपमा बिकास गर्ने आफुहरुको अवधारणा रहेको बताएका थिए ।

कार्यक्रमका बिशिस्ट अतिथि जिल्ला समन्वय उपप्रमुख तेजेन्द्र सलामीले बिगतमा सदरमुकाम तम्घास जान पर्वत स्याङ्जा काटेर जानु पर्ने बाध्यताको अन्त्य सडक संजालको विकासले गरेको प्रति खुशी व्यक्त गरेका थिए ।

त्यस्तै छिमेकी पर्वतको बिहादि गाउँपालिका अध्य् प्रवीण गुरुङ्गले त्यस पुल दुई जिल्ला गुल्मि पर्वतको मात्र नभई दुई प्रदेश लुम्बिनी र गण्डकि जोड्ने महत्वपूर्ण पुल भएको हुँदा यस भेग बासि निकै खुशी हुनु पर्नेमा जोड दिएका थिए ।

कार्यक्रमका प्रमुख अतिथि सासद डाक्टर चन्द्र भण्डारीले अन्य दल बाट निर्वाचित जनप्रतिनिधिहरुलाई कार्यकर्ता रिझाउन र प्रचार गर्न होईन काम गरेर देखाउन चुनौती दिएका थिए ।

कालिगण्डकि गाउँपालिका अध्यक्ष वेद बहादुर थापाको अध्यक्षतामा सम्पन्न कार्यक्रममा प्रमुख प्रशासकीय अधिकृत नरेश गिरिको स्वागत मन्तव्य र आईटि अफिसर ओम थापाको संचालन रहेको थियो ।