गुल्मीका वडाध्यक्ष खरेल दम्पत्ती एकै साथ दिक्षित

प्रेम सुनार
गुल्मी, १५ पुस । गुल्मीको चन्द्रकोट गाउँपालिका –१ द दिब्रुङ्गका वडाध्यक्ष घनश्याम खरेल र उनकी श्रीमति शोभा कार्की खरेल त्रिभुवन बिश्व विद्यालयबाट एकै साथ दिक्षित भएका छन ।
वडाध्यक्ष खरेल यसपाली राजनैतिक शास्त्रमा स्नाकोत्तरमा दिक्षित भएका हुन । यस अघि खरेलले कानुनमा स्नातक गरेका थिए ।

त्यस्तै उनकी श्रीमति शोभा कार्की खरेल नेपाली भाषा साहित्यमा स्नाकोत्तरतहमा दिक्षित भएकी हुन । वडाध्यक्ष खरेलले शारदा मावि अर्जेवाबाट माध्यामिक तहको शिक्षा आर्जन गरेका थिए भने श्रीमतिले शोभाले भुवाचिदी स्थित त्रिभुवन माविबाट माध्यामिक तहको अध्यान गरेकी थिईन । शोभा अहिले श्रीमानले पढेको शारदा माविमै राहत शिक्षिका छन । खरेल दम्पत्ती दुबै नेकपा माओवादी केन्द्र निकट विद्यार्र्र्थी संगठन अखिल क्रान्तिकारीबाट उदाएका नेता नेतृ हुन ।

त्यस्तै  चन्द्रकोट गाउँपालिका अध्यक्ष युवराज खत्री क्षेत्री यसपाली   राजनैतिक शास्त्र  स्नाकोत्तरमा दिक्षित भएका छन । यस अघि खत्री क्षेत्रीले कानुनमा स्नातक गरेका थिए ।    बिशुखर्कको एक बिद्यालयमा शिक्षक पेशामा कार्यरत छँदा माओवादी जनयुद्धमा लागेका खत्री क्षेत्रीले शान्ति प्रकृया पछि अध्यानलाई अगाडी बढाएका हुन । त्यस्तै कानुनमा स्नातक गरेकी इस्मा गाउँपालिका उपाध्यक्ष पार्वती कुँवरले यसपाली राजनैतिक शास्त्रमा स्नाकोत्तर तहमा दिक्षित भएकी छन ।