सहकारीको अरबौँ रकम अपचलन गर्ने कांग्रेस एमाले, दोष सबै बोक्ने रवि लामिछाने?: बुद्धि जिसी

१३ पुस गुल्मी । नेकपा माओवादी केन्द्रका युवा नेता बुद्धि जिसीले सहकारीको अरबौ रकम कांग्रेस एमालेका नेताहरुले अपचलन गरेको र त्यसको सबै दोष रवि लामिछानेलाई थोपर्दै आफुहरु पानी माथीको ओभान हुने खेलमा अहिलेको सरकार लागेको आरोप लगाएका छन ।

शनिबार माओवादी केन्द्र गुल्मीको चन्द्रकोट गाउँपालिका ८ को मजुवामा आयोजित वडा अधिवेशलाई सम्बोधन गर्दै नेता जिसीले यस्तो आरोप लगाएका हुन ।

नेता जिसी भने –‘रवि लामिछाने गोरखा मिडियामा एमडी रहेको बेला अपचलन भएको भनिएको जम्मा ६५ करोड हो । तर झण्डै एक खरब सहकारीको रकम अपचलन भएको छ । यति ठुलो रकम अपचलन गर्ने सत्तारुढ दलमै रहेका कांग्रेस , एमालेकै नेताहरु रहेका छन । धनराज गुरुङ्गको नाम पनि संसदिय छानविन समितिले सार्वाजानिक गरेको कार्बाहीको सुचि मै छ ।

एमाले बाट विजयी मोरङ्गका सांसद तथा सार्वजानिक लेखा समितिका सभापति ऋषिराम पोख्रेलकी श्रीमतिको नाम पनि सहकारी ठगीमा छ । तर खै उनिहरुलाई समातेको ? तर यहाँ त गरिदै छ, पारिदै छ कि सहकारीको सबै रकम रवि लामिछानेले खायो , सक्यो।’

उनको आरोप थियो यो सरकार जनतालाई सुशासन र विकास दिन बनेको होईन, दलाल , ठग र भ्रष्टहरुलाई बचाउन र उनिहरुको लुटतन्त्रलाई संरक्षण गर्न बनेको सरकार हो ।
पुर्व प्रधानमन्त्री प्रचण्डका जनसम्पर्कविद समेत रहेका जिसीले प्रचण्ड सरकाले बेचैन झा र प्रतिक थापालाई समात्न बित्तिकै अब आफुहरुको पनि समातिने पालो आउने डरले मध्ये रातमा बिचौलिायको घरमा बसेर कांग्रेस सभापति शेरबहादुर देउवा र एमाले अध्यक्ष केपी ओलीले सहमति गरेर सरकार बनाएको आरोप लगाए ।

त्यस रात उनिहरु दुई जनाले गरेको सता बुँदे सहमतिमा के छ भन्ने कुरा अहिले सम्म नेपाली जनताले थाह पाउन सकेका छैनन् , किन ? उनले यस्तो प्रति प्रश्न गरे ।

प्रचण्ड सरकारको सुशासन र विकास सग अत्तालिएर बनेको सरकारले जनतालाई विकास र सुशासन कसरी दिने भन्दा पनि कसरी सरकार टिकाउने भन्ने ध्याउनमै लागेको जिसीले आरोप लगाए ।
उनले वडा नम्बर ८ तुराङ्गको माथील्लो वस्ती विकासमा सधै पछाडी परेको भन्दै अब बन्ने नयाँ कमिटीले त्यहाँका हरेक समस्या लेखेर पठाओस , त्यो सबै पार्टीले समधान गर्ने नेता जिसीले आश्वासन दिए ।

त्यस क्रममा नेकपा एमाले र नेपाली कांग्रेस परित्याग गरि दर्जनौ युवाहरु माओवादी केन्द्रमा प्रवेश गरेका छन । यो समाचार तयार पार्ने बेला सम्म स्थानीय नेता भिम रानाले अधिवेशनमा प्रतिवेदन पेश गर्दै छन । उद्घाटन समारोह सकिए लगत्तै बन्द सत्रले नयाँ कमिटी चयन गर्ने सो पार्टीले जनाएको छ ।