गुल्मीमा स्कुटर दुर्घटनामा दुई युवकको मृत्यु

प्रेम  सुनार 

गुल्मी ११ पुस  ।   बिहीवार साझ गुल्मीको मजुवा चोरकाटे सडक खण्डनमा स्कुटर दुर्घटना हुँदा गुल्मीका दुई जना युवकको मृत्यु भएको छ ।

जिल्लाको जोहाङ्ग प्राथमिक उपचार केन्द्रका अध्यक्ष तथा सत्यवति गाउँपालिका – ६  का वडाध्यक्ष बिष्णु प्रसाद भण्डारीले चन्द्रकोट गाउँपालिका – ७ मा पर्ने सिस्नेखोलाको सडकमा मजुवा बाट जोहाङ्ग तर्फ जादै गरेको लु १७ प १६४४ नम्बरको स्कुटर दुर्घटना हुँदा गम्भिर अबस्थामा ल्याईएका दुई जनको मृत्यु भएको त्यहाँका डाक्टर प्रभातकिरण न्यौपानेले घोषणा गरेको जानकारी दिए ।

घटना स्थलमा पुगेका चन्द्रकोट गाउँपालिका अध्यक्ष युवराज खत्री क्षेत्रीले दुर्घटना स्थलबाट आफुहरुले दुई जनाको शव निकालेर जोहाङ्ग अस्पतालमा ल्याएको र उनिहरु च्स्न्द्रकोटका बासिन्दा भएको बताए ।

उनका अनुसार ति चन्द्रकोट गाउँपालिका – ६ हरेवाका अन्दाजी ३८ किरण गलामि मगर र अन्दाजी ३२ बर्षिय बिनोद सुनार हुन ।
उप्त दुर्घटना भएको र घाईतेलाई जोहाङ्ग अस्पताल सम्म पुराएको जानकारी आएको भए पनि डाक्टरले मृत घोषणा गरेको जानकारी नआए सम्म आफुले मृत्युको पुष्टि गर्न नसक्ने जिल्ला प्रहरी कार्यालयका प्रहरी निरीक्षक भुपेन्द्र थापाले बताए ।

गुल्मी उधोग बाणिज्य संघ मजुवा शाखाका अध्यक्ष लक्ष्मीप्रसाद गौतमले पनि स्कुटि दुर्घटनामा परेका दुई जनाको शव जोहाङ्ग अस्पतालमा पठाएर आफुहरु फर्केको बताए ।