गुल्मीमा युवती बलात्कार आरोपमा एक पुरुष पक्राउ

७ पुस २०८१ । गुल्मीको कालिगण्डकी गाउँपालिकामा एउटी फरक क्षमता भएकी युवतीलाई बलात्कार गरेको आरोपमा स्थानीय एक पुरुषलाई प्रहरीले आईतबार पक्राउ गरेको छ ।
२५ बर्षीया ( नाम गोप्य ) फरक क्षमता भएकी २५ बर्षीया युवतीलाई बलात्कार गरेको आरोपमा कालिगण्डकी गाउँपालिका ६ खडककोट निवासी ३१ बर्षीय गणेश थापालाई पक्राउ गरेको प्रहरीले जनाएको छ ।
घर मै बसिरहेकी ति युवतीलाई निजले यहि पुस ५ गते साँझ साढे चार बजेको समयमा बारीको कुनोमा लगेर बलात्कार गरेको पीडित पक्षबाट जाहेरी परेपछि अनुसन्धानका लागि आरोपित थापालाई पक्राउ गरिएको निमित्त जिल्ला प्रहरी प्रमुख डिएसी शंकर पोखरेलले जानकारी दिए ।
आईतबार बिहान पीडित पक्षहरु जिल्ला प्रहरी कार्यालयमा आईरहेका थिए । ईलाका प्रहरी कार्यालय रिडी मार्फत आरोपित पुरुषलाई जिल्लामा पठाउन ताकेता गरिदै थियो । पीडित युवती खास्टोले मुख छोपेर रोईरहेकी थिईन् ।