पत्रकार महासंघ गुल्मीको निर्वाचन शुरु

नेपाल पत्रकार महा संघ गुल्मीको निर्वाचन शुक्रबार सदरमुकाम तम्घासमा शुरु भएको छ ।

जेष्ठ सदस्यको हैसियतले यस ओझेलका खबर संचालक प्रेम सुनारले पहिलो मतदान गर्नु भएको छ । बिहान ११ बजे देखि शुरु भएको मतदान अहिले दिउँसो साढे १२ बजे सम्म जम्मा दुई मत खसेको निर्वाचन अधिकृत हिरा कुवरले जानकारी दिनुभयो ।

काङ्ग्रेस निकट प्रेस युनियन र एमाले निकट प्रेस चौतारी नेपालका पत्रकारहरुको संयुक्त प्यानल रहेको छ । सोहि प्यानलका अधिकाम्स मतदाता मतदान स्थलमा आई पुगेका छैनन । माओवादी निकट पत्रकारहरुको संगठन प्रेस सेन्टर नेपालले उम्मेद्बारी दिएको छ । एकल बिचको संयुक्त प्यानल रहेको छ । जुन प्यानल बाट तिलाचन पाण्डे अध्यक्षको उमेदवार हुनुहुन्छ। संयुक्त प्यानल बाट अनिल खत्री अध्यक्षको उमेदवार हुनुहुन्छ । गत निर्वाचन देखि जिल्ला बाटै प्रदेश र केन्द्र सम्मका उमेदवारहरुलाई मतदान गर्ने व्यवस्था मिलाईएको छ ।

गुल्मीमा गत निर्वाचन सम्म ६३ जना सदस्य थिए । गत बर्ष नेपाल पत्रकार महासंघले सुदृढीकरण अभियान थाले पछि २५ सदस्यमा झरेको छ । जस मध्ये चौतारीका अजय खड्का बिदेश हुनुहुन्छ । चौतारी कै गङ्गा खड्का काठमाडौमा रहेकोले सहभागी नहुने जनाईएको छ । त्यस्तै प्रेस युनियनका तारा भुसाल पनि काठमाडौ भएकोले सहभागी हुन नसक्ने बताएका छ्न । चौतारीमा १० मत मध्ये ८ मत खस्ने देखिन्छ ।

युनियनका ८ मध्ये मत रहेको छ । उनिहरुको ७ मत खस्ने देखिन्छ ।
सेन्टरको ७ मत रहेको छ । उसको पुरै मत खस्ने सेन्टरका पुर्व इन्चार्ज घनश्याम खरेलले बताउनु भयो । दुबै पक्षले जित्ने दावी गरेका छ्न ।