परासी , साउन -२४ । नवलपरासी ( पश्चिम ) मा घाटी रेटिएको अवस्थामा एक जना युवकको शव फेला परेको छ ।
जिल्लाको पाल्हिनन्दन गाउँपालिका- ५ हर्दी बस्ने २० बर्षिय सुर्यकुमार भनेर चिनिने रोशन कुमार बढईको शव आफ्नै घरमा सुतिरहेको अवस्थामा फेला परेको हो ।
धारीलो हतियारले घाँटी काटी मृत अवस्थामा उनको शव फेला परेको जिल्ला प्रहरी कार्यालय नवलपरासीका प्रबक्ता डिएसपी रेशम बोहराले जानकारी दिए ।
जिल्ला प्रहरी प्रहरी प्रमुख एसपी ज्ञानेन्द्र प्रसाद फुयालको कमाण्डमा घटना स्थलमा टोली खटिई अनुसन्धान भईरहेको जनाईएको छ ।
निजलाई कसैले धारिलो हतियार प्रयोग गरी हत्या गरेको घटनास्थलको प्रकृतिले देखाएको छ ।
प्रारम्भिक अनुसन्धान पश्चात शव पृथ्वी चन्द्र अस्पताल पठाईएको छ । मृतक उमेश बढईका छोरा हुन ।
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |