गुल्मी दिगामको गुणको सुद्धत्ता पुरानै लयमै फर्काउँदै स्थानीय सरकार

शर्मिला चुँदारा ,गुल्मी, साउन ९ । गुल्मीको छत्रकोट गाउँपालिकाले त्यस पालिकाको वडा नम्वर ४ को दिगाममा सदियौं देखि उत्पादन हुँदै आएको उखुबाट उत्पादन हुँदै आएको खुदो गुणको अर्गानिक शुद्धत्ता पुरानै लयमा फर्काउने कडाई गरेको छ ।

केहि दिन अघि जिल्ला प्रशासन कार्यालयको नेतृत्वमा गरिएको अनुगमनका क्रममा केहि व्यबसायीहरुले भारतबाट आयतित भेली र चिनी मिसावट गरी उपभोक्ता ठगी गरेको फेला पारे पछि छत्रकोट गाउँपालिकाले अर्गानिक शुद्धत्ता पुरानै लयमा फर्काउने सम्बन्धित कृषकहरुदाई कडाई गरेको हो ।

केहि दिन अघि दिगामको सदियौं देखिको प्रशिद्ध खुदो र गुणमा अनुगमन टोलीले मिसावाट गरेको पायो , , त्यसलाई पुरानै लयमा फर्काउने के गर्दै हुनुहुन्छ भन्ने प्रश्नमा त्यस पालिकाका प्रमुख प्रशासकिय अधिकृत बीरबहादुर पुनले भन्नु भयो पहिलो कुरा त हामीले खुदो गुण उत्पादननलाई उद्योगका रुपमा दर्ता गरी करको दायरमा ल्याउँदै छौ र संगै दिगामको प्रशिद्ध गुण खुदोको शुद्धत्तालाई पुरानै लयमा फर्काउन कडाई गर्दैछौं ।

दिगामको गुण खुदो सदियौं देखि देश विदेश सम्म प्रशिद्ध थियो र अहिले पनि छ । अनुगमनका क्रममा केहि ब्यक्ति ब्यवसायीहरुले मिसावट गरेर बदनानम गरे पनि अधिकांस कृषकहरुले अहिले पनि अर्गानिक गुण खुदो उत्पादन गर्ने गरेको उहाँको भनाई छ ।

अर्को एक प्रशंगमा पुनले पुनले छत्रकोट गाउँपालिका खर्च विवरण प्रगति सन्तोषजनक रहेको बताउनु भयो । असार मशान्तको केहि दिन अघि हामीले उहाँ संग जिज्ञाषा राख्दा उहाँ यस्तो बताउँदै हुनुहुन्थ्यो ।

गत आर्थिक बर्षमा छत्रकोट गाउँपालिका बेरुजु कम गराउन गुल्मी जिल्लाको हकमा उत्कृष्ट पाँचौमा परेको थियो । त्यसले पनि सन्तुष्ट नभएकोले अझ कम गर्न आफुहरुले लागेको उहाँ बताउँदै हुनुहुन्थ्यो ।

बिशेषतः दिगामको प्रशिद्ध गुण खुदोको शुद्धता कायम राख्न गाउँपालिकाले अनुगमनलाई तिब्रता दिएको त्यस गाउँपालिका अध्यक्ष रामप्रसाद पन्थले पनि बताउँदै आउनु भएको छ । अघिल्लो महिना गरिएको अनुमन पछि गुण खुदो उत्पादकहरुले अब देखि अर्गानिक खुदो र गुणमा मिसावट नगर्ने प्रतिबद्ध देखिएका छन । दिगाम र पारी थानपति थोर्गाका उखु खेती देशैभर प्रशिद्ध छ ।