विषादीको बढ्दो खतराः पाल्पा पनि एक जनाको ज्यान गयो

गुल्मी  , २८  असार  ।खेतीपातीमा छरिने किटनासक विषदी र मुसा मार्ने विसादीको प्रयोगले मानिसहरुमा खतरा बढ्दै गएको छ ।

विसादी सेवन पछि स्वाथ्यकर्मीको लापर्बाहीबाट बुधबार गुल्मीमा एउटी बालिकाको मृत्यु भएको र अर्की बालिकाको अवस्था गम्भीर भएको दोश्रो दिन विहिवार पाल्पाका एक जनाको विषदी सेवनबाटै ज्यान गएको छ ।
तानसेन नगरपालिका ११ बडहरवोटका ५९ बर्षीय तिलबहादुर रानाभाटको तरकारीमा छर्ने विषादी सेवनबाट मृत्यु भएको हो ।

जिल्ला प्रहरी कार्यालय पाल्पाका सुचना अधिकारी सुगन्ध श्रेष्ठका अनुसार चयनय अचयग नामक तरकारीमा छर्ने बिषादी सेवन गरेर रानाभाटको मृत्यु भएको प्रारम्भिक अनुसन्धानले देखाएको छ ।

मृतक घर देखि करिव २ किलो मिटर दक्षिणमा पर्ने प्रतिक्षालयमा सुतिरहेको अवस्थामा भेटिएको सुचना प्राप्त हुन साथ प्रहरीले उद्धार गरेको थियो । शव पोष्टमार्टमका लागि जिल्ला अस्पतालमा पठाईएको र घटनाको अनुसन्धान भईरहेको श्रेष्ठले बताए ।