पृथ्वी मावि पुर्कोदहको मतगणना सुरु , संसदीय जस्तै पेचिलो

 गुल्मी । गुल्मीको मदाने गाउँपालिका –६ , पुर्कोदह स्थित पृथ्वी माध्यामिक विद्यालय ब्यवस्थापन समितिको निर्वाचनका लागि मतदान भएको पाँच दिन पछि सोमबार विहान देखि मतगणना सुरु भएको छ ।

विद्यालयमै ७६ मत गणना हुँदा दुई मत सदर र बदरका बिषयमा दुई पक्ष बीच विवाद चर्किए पछि सदरमुकाम तम्घासस्थित शिक्षा विकास तथा समन्व्य ईकाईको कार्यालयमा मतगणना गर्ने सहमति गरी मतपेटीका ल्याईएको थियो ।

ल्याएको तीन दिन सम्म पनि सहमति नजुटेर कोठामै थन्काईएको थियो । सोमबार विहान दुबै पक्ष बिच सहमति भए पछि पुनः सुुरु देखिनै मतगणना हुने भएको हो ।

बिद्यालय ब्यवस्थापन समितिको चार सदस्यका लागि ९ जना उमेदवार रहेका छन । उमेदवारहरुमा वसन्त कुँवर , विकास श्रेष्ठ , माया बिसी केसी, चित्रबहादुर कुँवर , टिका कुँवर , कुमार विक्रम थापा , कमला बिक, कृष्ण श्रेष्ठ । बिष्णु मायाँ बिक रहेका छन ।

कडा प्रतिस्पर्धा कांग्रेस एमाले बीच रहेको बताईन्छ । विजयी हुने चार जनाले ३ जना मनोनयन गरेर अध्यक्ष छनौट गर्ने बताईएको छ । मतगणना सहायक प्रमुख जिल्ला अधिकारी हरिप्रसाद गैरेको नेतृत्वमा गरिदैछ ।

मतगणना स्थलमा दलिय प्रतिनिधीका रुपमा एमाले बाट पार्टी सचिव धर्म बिश्वकर्मा , कांग्रेसबाट काँशीबहादुर बोहरा लगायत सहभागि छन । जिल्ला प्रशासनका प्रशासकिय अधिकृत नारायण घर्ति, शिक्षा विकास तथा समन्व्य ईकाई कार्यालयका शाखा अधिकृत अम्मरबहादुर केसी मत गन्दैछन । यति बेला सम्म १५० मत गणना भएको र २ सय मत गनेर सके पछि सार्वाजानिक गर्ने सहमति भएको त्यस कार्यालयका प्रमुख लोकनाथ मरासिनीले जानकारी दिए ।

त्यस बिद्यालयका सुचिकृत ५ सय ५० जना अभिभावक मध्ये ४ सय २० मत खसेको मतदान अधिकृतको जिम्मेवारी लिएर पुगेका त्यस कार्यालयका शाखा अधिकृत केसीले जानकारी दिए । गत एक बर्ष देखि सहमति जुटन नसकेर समिति गठन हुन सकेको थिएन ।

जिल्लामा बिद्यालय ब्यवस्थापन समितिको यो निर्वाचन सांसदीय निर्वाचन जस्तै पेचिलो बनेको छ । निर्वाचन अन्य विद्यालयमा पनि भएका छन तर विद्यालय स्तरमै हुन नसकी जिल्लामा आउनु परेको यो पहिलो घटना हो ।

स्थानीय स्तरमा विवाद चर्के पछि आफुले प्रमुख जिल्ला अधिकारीलाई आग्रह गरेर जिल्लामा पठाृउने बातवरण मिलाएको मदाने गाउँपालिका अध्यक्ष महेन्द्रबहादुर कुँवरले बताएका छन ।