गुल्मी । शुक्रबार दिउँसो मोटरसाईकल दुर्घटनामा गुल्मी तम्घासका एक जना ब्यक्ति गम्भीर घाईते भएका छन । रेसुङ्गा नगरपालिका ८ तम्घास का ४३ बर्षीय देवबहादुर बिक तम्घासबाट नजिक रायाँढुङ्गा भन्ने स्थानमा मोटरसाईकल दुर्घटनामा परी गम्भीर घाईते भएका हुन् ।
लु १ प १३ प ७९५० नम्वरको मोटरसाईकलमा चढेर तम्घास बाट धुर्कोट तर्फ जान लागेका बिकलाई विपरित दिशाबाट आउँदै गरेको लु १ च ७३२७ नम्बरको डबल क्याप जिपले ठक्कर दिंदा घाईते भएको प्रहरीले जनाएको छ ।
जिल्ला प्रहरी कार्यालयका सुचना अधिकारी डिएसपी शंकर पोखरेलका अनुसार घाईते बिकलाई गुल्मी अस्पतालले थप उपचारका लागि लुम्बिनी मेडिकल कलेज पाल्पा प्रभासमा रिफर गरेको छ । उनको अबस्था मध्येम रहेको डिएसपी पोखरेलले बताए । बिकको बाख्रेछेडा तल राज ईन्जिनियरिङ्ग नामको वर्कशप छ । उनले निर्माण व्यवसायको क्षेत्रमा समेत काम गर्दै आएका छन ।जिप चालकलाई नियन्त्रणमा लिई अनुसन्धान भईरहेको डिएसपी पोखरेलले बताईएको छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
