गुल्मीको वामीमा ३९ वर्षिया महिलाको शंकास्पद मृत्यु

रामकृष्ण कंडेल, वामीटक्सार: गुल्मीको मुसिकोट नगरपालिका-७, बसेरीमा तालकुमारी कुमालको मृत्यु शंकास्पद देखिएको छ।

मृतक कुमालको हिजो दिउसो १ बजे भएको मृत्यु शंकास्पद देखिएकोले जिल्ला प्रहरी कार्यलय तम्घास बाट अपराध अनुसन्धान टोली बोलाई आवश्यक मुचुल्काका साथ पोष्टमार्टम रिपोर्टका लागि शव तम्घास पठाईएको वामी प्रहरी कार्यलय प्रमुख सइ हरि ओलीले जानकारी दिनुभएको छ।

श्रीमान श्रीमतीबिचको आपसी घरायसी विवादको कारण घटना घटेको सई ओलीले बताऊनु भयो। स्थानियहरूले प्रहरीलाई खबर गरे पश्चात प्रहरी कुमालको निवासमा पुगेको र मृतक तालकुमारीका श्रीमान सुर्य कुमाललाई नियन्त्रणमा लिई तम्घास लगेको सई ओलीले बताउनु भयो।

३ छोराकी आमा तालकुमारीको मृत्यु अत्यन्तै दुःखद रहेको र सत्य तथ्य बाहिर ल्याई दोषि उपर कार्वाही हुन जरूरी रहेको वडाध्यक्ष हरिहर सापकोटाको भनाई रहेको छ। -युनिक खबर/फाइल फोटो