गुल्मी: गुल्मी क्षेत्र नम्बर १ का नेकपा एमालेका उम्मेदवार प्रदीप ज्ञवालीले राष्ट्रिय स्वतन्त्र पार्टीका उम्मेदवार सागर ढकाललाई अग्रिम बधाई दिएका छन्।
गुल्मीका शालीन र निष्कलङ्क नेताको छवि बनाएका ज्ञवाली हालसम्मको मतगणनामा दोस्रो स्थानमा रहेका छन् र ढकालभन्दा फराकिलो मतान्तरले पछाडि छन्। ज्ञवालीले आफ्नो फेसबुकमार्फत यस्तो सन्देश लेखेका छन्:
“गुल्मी-१ को मतगणना उत्तरार्धतिर पुग्दैछ। विजयोन्मुख श्री सागर ढकाल र रास्वपालाई अग्रिम बधाई।
शान्तिपूर्ण र स्वच्छ रूपमा निर्वाचन सम्पन्न गराउनुहुने मुख्य निर्वाचन अधिकृत, प्रजिअलगायत सबै सुरक्षा निकाय र कर्मचारी मित्रहरूलाई धन्यवाद।
निर्वाचनमा अहोरात्र खट्नुहुने सबै कमरेडहरूप्रति अगाध माया र सम्मान। यस्तो परिणामको अपेक्षा थिएन। तर लोकतन्त्रमा जनताको फैसला सर्वोपरि हुन्छ। त्यसैले जनादेशप्रति सम्मान छ।
जिल्लाको विकास र जिल्लावासीहरूको सुखदुःखमा मलाई हमेशा साथमै पाउनुहुनेछ।
यी अप्ठ्यारा दिनहरू पनि बितेर जानेछन्। भवतु सब्ब मङ्गलम् !”
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
