जाजरकोटमा जिप दुर्घटना ७ जना घाईते

गुल्मी , भदौ-२३  । आज विहान जाजरकोटमा जिप दुर्घटना हुँदा ७ जना घाईते भएका छन । घाईते मध्ये दुई जनाको अबस्था गम्भीर रहेको प्रहरीले जनाएको छ ।

 आज विहान करिव १० बजेर २५ मिनेटको समयमा जाजरकोटको शिवालय गाउँपालिका १ सालतडाबाट चौरडाँडा तर्फ आउँदै गरेको क.प्र.०२००१ च ०३५० नम्बरको डबल क्याप बोलेरो जिप अन्यन्त्रित भई सडक देखि करिव २५ मिटल तल खसेर दुर्घटना हुँदा त्यसमा सवार १० जना मध्ये ७ जना घाईते भएको त्यस जिल्ला प्रहरी कार्यालयले जनाएको छ ।
  सो कार्यालयल हामीलाई पठाएको विवरण अनुसार त्यस जिप चालक शिवालय गाउँपालिका ८ का हस्तबहादु बुढाको अबस्था गम्भीर रहेको छ ।

उनको टाउँकोमा गम्भीर चोट लागेको छ । त्यस्तै भेरी नगरपालिका १ का ४६ बर्षिया अबिकला रानाको  पनि टाउँकोमा गहिरो चोट लागेको र अबस्था गम्भीर छ ।

 त्यस्तै मध्येम अबस्था रहने घाईतेहरुमा शिवालय ३ का बर्ष ६० का काँशी प्रसाद जैसी, सोही स्थानकी ५२ बर्षिया शोभाकुमारी रेग्मी, सुर्खेतको सिम्ला गाउँपालिका १ की २५ बर्षिया रेखा सुनार , र उनका अन्दाजी २ बर्षका छोरा सुरेश रहेका छन ।

उनिहरुलाई थप उपचारका लागि नेपालगञ्ज तर्फ बठाईएको  जिल्ला प्रहरी कार्यालय जाजरकोटले जनाएको छ ।