कालीगण्डकी कोरिडोर नवलपुर खण्ड अवरुद्ध

नवलपुर, साउन -६ । कालिगण्डकी कोरिडोर अन्तरगत नवलपुर सडक खण्ड सुख्खा पहिरोका कारण अबरुद्ध भएको छ ।

गैँडाकोट नगरपालिका–३ स्थित हिउँदे खोलामा माथिबाट सुख्खा पहिरो झरेका कारण करिडोर पूर्ण रुपमा अवरद्ध भएको जिल्ला प्रहरी कार्यालय नवलपुरले जानकारी दिएको हो ।
कार्यालयका सूचना अधिकारी, प्रहरी नायव उपरीक्षक मधु नेपालका अनुसार बैकल्पिक मार्गका रुपमा रहेको यो सडक खण्ड बिहान साढे ११ बजेदेखि पूर्ण रुपमा बन्द भएको छ । अवरोध हटाएर सडक सञ्चालनमा ल्याउने प्रयास जारी रहेको उहाँले बताउनु भयो । बाटोमा ठूला ठूला ढुंगा सहितको पहिरो खसेको छ ।

गैँडाकोट हुँदै पाल्पा पुग्ने यो सडक अवरुद्ध हुँदा वैकल्पिक मार्ग प्रयोग गर्ने यात्रुहरुले समस्या भोगिरहेका छन् ।

नारायणघाट–बुटबल सडक खण्ड अन्तर्गत दाउन्नेमा अवरोध हुन सक्ने भन्दै यात्रुले कोरिडोरको बाटो प्रयोग गर्ने गरेका छन् । दाउन्ने खण्डमा भने निर्वाध गाडी चलिरहेको प्रहरीले जनाएको छ ।