पर्वतमा पहिरोले घर बगाउँदा श्रीमान मृत फेला, श्रीमति बेपत्ता

गुल्मी, साउन ४: पर्वतको मोदी गाउँपालिका वडा नम्बर ३, देउराली लाङ्दीमा गएरातीको पहिरोले घर संगै बगाउँदा श्रीमानको अहिले विहान शव फेला परेको छ भने श्रीमति बेपत्ता भएकी छन।

जिल्ला प्रहरी कार्यालय पर्वतका सुचना अधिकारी प्रहरी निरीक्षक रामप्रसाद सापकोटाका अनुसार त्यस गाउँका ७६ बर्षीय छविलाल बिकको अहिले विहान शव फेला परेको हो।

बेपत्ता भएकी उनकी विष्णुमति विकको खोजी कार्य जारी छ। बुहारी भने भागेर बाँच्न सफल भएकी छन। त्यस वडाका वडाध्यक्ष देवेन्द्र बहादुर क्षेत्रीले राती करिव ४ बजेतिर आफुलाई जानकारी भई प्रहरीलाई सुचित गरेको र अहिले आफु मोटरसाईकल चलाउन नजान्ने भएकोले हिडेर दुई घण्टाको बाटो त्यस तर्फ जाँदै गरेको बताउनु भयो।