२९ वर्ष पछि गुल्मी प्रहरीद्वारा फरार अभियुक्त पक्राउ

गुल्मी, असार २३: जिल्ला प्रहरी कार्यालय गुल्मीले  २९ बर्ष देखि फरार रहेको  यहाँको एक    व्यक्तिलाई पक्राउ गरेको छ। इस्मा गाउँपालिका ५ निवासी फर्शबहादुर कुमाललाई प्रहरीले २९ बर्ष पछि यहि असार २१ गते पक्राउ गरेको हो।

त्यस कार्यालयका सुचना अधिकारी डिएसी गंगाबहादुर सारुले हामीलाई पठाएको प्रेस नोट अनुसार २०५३ साल असार ३ गते नकवजनी जोरी मुद्धामा जिल्ला अदालत गुल्मीले एक महिना १५ दिन कैद सजाय र जरिवान तीन हजार ८१७ रुपैयाँ फैसला गरेको थियो । त्यस यता उनी फरार थिए ।

निजलाई आज सोमबार जिल्ला अदालतको आदेश पत्र अनुसार कारागार चलान गरिएको जनाईएको  छ । यस अघि पनि गुल्मी प्रहरीले धेरै बर्ष देखि फरार अभियुक्त पक्राउन गर्दै आएको छ ।