आमाको भिरबाट लडेर मृत्यु, बाबु विदेश, बालक छोराको बिचल्ली

, गुल्मी , असार १३ । बिहिबार ( हिजो ) दिउँसो घरबाट घाँस काटन भन्दै हिडेकी गुल्मीको मदाने गाउँपालिका–६ घ्युउपानीकी लक्ष्मी थापा राती अबेर सम्म फर्केर नआए पछि उनका दुई बालक छोराहरु भोकभोकै आमाको बाटो कुरेर बसिरहे ।

छिमेकीले खोजतलास गर्दै जाँदा उनि सोही वडाको काउले भालुखोला सामुदायिक वनमा मृत फेला परेको सुने पछि भोको पेट ति बालकहरुको रात आमा प्रतिको विलौना पोख्दै रुवावासीमा बित्यो । उनिहरुका बाबु बैदेशिक रोजगारमा भएकोले उनिहरुको हिजो राती देखि बिचल्ली भएको छ ।

जिल्ला प्रहरी कार्यालका सुचना अधिकारी डिएसवी गंगाबहादुर सारुले हामीलाई पठाएको विवरण अनुसार ३१ वर्षीया लक्ष्मी थापा भीरको गोरेटो देखि करिव २० मिटर तल मृत अबस्थामा भेटिएकी हुन । उक्त सुचना पाउन साथ इलाका प्रहरी कार्यालय पुर्कोट दहबाट प्रहरी टोली घटना स्थलमा पुगेको थियो । घटनाबारे थप अनुसन्धान भइरहेको डिएसपी सारुले प्रेस नोटमा उल्लेख छ ।