वनबाटिकाको अध्यक्षमा कांग्रेस-एमालेका उमेदवारलाई हराउँदै विजयी भए माओवादी केन्द्रको समर्थन पाएका पाण्डे

बुटवल, चैत्र – २३ । रुपन्देहीको शंकरनगर वन बिहार तथा अनुसन्धान केन्द्र ( वन बाटिका ) को चौधो अधिवेशनको चुनाव निकै चोटीलो बनेको छ । शुक्रबार देखि सुरु भएको अधिवेशनमा नेपाली कांग्रेस र नेकपा– एमाले गठबन्धनका अध्यक्ष पदका उमेदवारलाई हराउँदै माआोवादी केन्द्रको समेत समर्थन पाएका नेत्रविक्रम चन्द ( विप्लप ) निकट नेपाल कम्युनिष्ट पार्टीका उमेदवार विजयी भएका छन ।

अध्यक्षमा कांग्रेस र एमालेका संयुक्त उमेदवार ईन्जिनियर किरण खरेललाई भारी मतले हराउँदै माओवादी केन्द्रको समर्थन पाएका विप्लव नेतृत्वको नेपाल कम्युनिष्ट पार्टीका नेता खिमलाल पाण्डे अध्यक्षमा विजयी भएका हुन ।  ईन्जिनियर खरेललाई १३५ मतले पराजित गर्दै पाण्डे विजयी भएका हुन । पाण्डे ३९६ मत प्राप्त गरी विजयी भए भने खरेलले २३४ मत मात्रै प्राप्त गरेको निर्वाचन समितिका संयोजक तथा बरिष्ठ पत्रकार मोहन चपागाँईले जानकारी दिए ।

पाण्डेको प्यानलले स्वतन्त्र उमेदवारका रुपमा उमेदवारी घोषणा गरेको थियो । पाण्डेको प्यालनलाई समर्थन जनाउँदै माआवादी केन्द्रले आफ्नो उमदेवारलाई फिर्ता गरेको थियो ।  सचिवमा पनि कांग्रेस – एमालेका संयुक्त उमेदवार हरिकला अधिकारी ( कमला पाण्डे ) लाई हराउँदै नेपाली कांग्रेसका बागी उमेदवार विदुर केसी विजयी भएका छन । सचिवमा कांग्रेसका बागी उमेदवार केसीले ३७९ मत प्राप्त गरेर विजयी भने सत्ता गठबन्धनकी उमेदबार पाण्डे अधिकारीले १८८ मत प्राप्त गरिन । सोही पदमा राष्ट्रिय जनमुक्ती पार्टीकी उमेदवार हिरामति थापाले ५७ मत प्राप्त गरेकी छन ।

उपाध्यक्षमा भने गठबन्धनका उमेदवार मिनप्रसाद देवकोटा निर्वाचित भएका छन । उनले ३७८ मत प्राप्त गरी विजयी भएका हुन । गठबन्धनका बागी उमेदवार लेखबहादुर खडकाले १३४ मत र राष्ट्रिय जनमुक्ती पार्टीकी उमेदवार चन्दा थापाले १०९ मत प्राप्त गरेकी छन । कोषाध्यक्षमा एमाले काग्रेस गठबन्धनका उमेदवार मनिराम भट्टराई ३८५ मत प्राप्त गरी विजयी भएका छन । उनका प्रतिस्पर्धी माओवादी केन्द्रका उमेदवार शौरभ भुसालले १७५ मत र  राष्ट्रिय जनमुक्ती पार्टीका उमेदवार उदलसिंह थापाले ६३ मत प्राप्त गरेका छन ।

दुई जना लेखा समिति सदस्य मध्ये अध्यक्ष पाण्डेको प्यालनका उमेदवारा सन्दीप भट्टराई ९३१३ मत र गठबन्धनका उमेदवार बिष्णुप्रसाद सुवेदी ९२११ मत प्राप्त गरी विजयी भएका छन । त्यस पदका प्रतिस्पर्धी मिठुमाया पौड्यालले ९२०२ मत , माओवादी केन्द्रकी इन्दु थापा मगरले ९१४८ मत , स्वतन्त्रका उमेदवार शंकर पाण्डेले ९१४८० मत जनमुक्तीकी सीता श्रीसले ९१२ मत प्राप्त गरी पराजित भएका छन । लेखा समिति संयोजकमा भने कांग्रेसका प्रदीप पराजुली निर्विरोध निर्वाचित भएका छन ।

कार्य समिति सदस्यहरुमा क्रमशः गठबन्धनका विन्दु ढकाल, लक्ष्मण मल्ल, सरस्वती बराल शंकर भण्डारी र पार्वती क्षेत्री निर्वाचित भएका छन । त्यस्तै गठबन्धनका बागी उमेदवार राममाया पौड्याल र माओवादी केन्द्रकी ज्योतिमाया थापा पनि कार्य समिति सदस्यमा विजयी भएका छन । यस निर्वाचन सत्तारुढ दलका प्रभावशाली नेताहरुका लागि पनि खल्लो बन्न पुगेको छ ।

नेकपा एमालेका पोलिटब्युरो सदस्य तथा लुम्बिनी प्रदेशका पुर्वमुख्यमन्त्री लिला गिरी, एमालेबाटै निर्वाचित प्रतिनिधी सभा सदस्य तथा तिलोत्तमा नगरपालिकाका पुर्व मेयर वाशुदेव घिमिरे र सोही पालिकाका वर्तमान मेयर तथा कांग्रेस नेता रामकृष्ण खाण लगायतका ठुला नेताहरुलाई खाल्लो बन्न पुगेको हो । किनकी उनिहरु मतदाता थिए ।