कमल यात्री र भुरुङको मार्मिक गीत ‘पुर्कोटैमा चल्यो बतास’ ले दर्शक श्रोताको मन जित्दै (भिडियो सहित)

गुल्मी: गुल्मीका गायक तथा सर्जक कमल यात्रीको परदेशी र घरदेशी आमाको कथामा आधारित ‘पुर्कोटैमा चल्यो बतास’ बोलको मार्मिक गीतले दर्शक तथा श्रोताको मन जित्दै गइरहेको छ।

गायक कमल यात्रीको परिकल्पना, शब्द रचना र लयमा कमल यात्री युट्युब च्यानलबाट सार्वजनिक गरिएको यस गीतमा महिला स्वरमा साथ दिनु भएको छ सुमधुर स्वरकी धानी तथा सामाजिक सञ्जालकी चर्चित पात्र भुरुङ्गले। गाउँको टिपिकल बोली भाषा, रहनसहन, अर्गानिक खानपिन र प्रकृति पुजकका रुपमा कमल यात्री र भुरुङ्ग सामाजिक संजालका भाईरल पात्र हुन।

यस गीतको भिडियोमा आमाको भुमिकामा कमल यात्री कै आमा मनिकला भुसालको अभिनय छ। अन्य भुमिकामा छापाहिलेका दिपेन्द्र महतरा, भरत भुसाल र संगिता विसी रहेका छन। यस म्युजिक भिडियोको अधिकांश छायांकन गुल्मी छापाहिलेमा गरिएको छ। मार्मिक कथावस्तुको रिपोर्टरको भुमिकामा यस ओझेलका खबरका सञ्चालक प्रेम सुनार रहनु भएको छ।