एउटै कार्यालयमा २८ बर्ष बिताएका पन्तले गुल्मी छाड्दै

प्रेम सुनार

 १७ पुस , पुर्तिघाट: चितवन घर भएका गुल्मीमा कार्यरत एक जना आयुर्वेदिक स्वास्थ्य अधिकृतले  गुल्मी बसाईको २८ बर्ष पछि  स्वच्छिक अवकास लिई गुल्मी छाडन लागेका छन।

जिल्लाको कालिगण्डकी गाउँपालिका –४ पुर्तिघाट आयुर्वेद औषधालयका कार्यालय प्रमुख वरिष्ठ कविराज निरीक्षक  ( अधिकृत  ७ औं  )  हरिप्रसाद पन्तले गुल्मी बसाईको २८ बर्ष पछि गुल्मी छाडन लागेका हुन ।

२०५३ साल साउन २९ गते कविराज पाँचौ तहमा अस्थाई नियुक्ती लिई साविकको पुर्तिघाट गाविस १ को पुर्तिघाट आयुर्वेद औषधालयमा आएका पन्त त्यस यता अनवरत सोही औषधालयमा कार्यरत थिए ।

उनले २०५८ माघ ९ गते स्थाई नियुक्ती लिए स्थानीय तहको संरचना पश्चात कालिगण्डकी गाउँपालिका आयुर्वेद शाखा प्रमुखको जिम्मेवारी सम्हाल्दै आएका थिए । उनको राजिनामा २०८१ पुस १ गतेका मिति देखि गुल्मीका जिल्ला समन्व्य अधिकारी हरि बेलावासेले स्वीकृत गरेका थिए ।

पुर्तिघाट आयुर्वेद औषधालयमा २८ बर्षको अवधीमा पन्त कालिगण्डकी गाउँपालिकाका अलवा छिमेकी बाग्लुङ्ग, पर्वत र स्याङ्गजा सम्मका जनतालाई सेवा प्रवाह गर्र्दै उनिहरु संग भिजेका ब्यक्ति हुन् ।

एउटै स्थानमा यति लामो समय सम्म विना कुनै विवाद  अनवरत कार्यरत  लिने कर्मचारीहरु   विरलै हुने  कालिगण्डकी गाउँपालिकाका प्रमुख प्रशासकिय अधिकृत नरेश गिरीले बताए ।

पेन्सन पट्टा बनेको र अब यहि पुस २० गते पन्तलाई सम्मान सहित विदाई गर्ने कार्यक्रम रहेको त्यस गाउँपालिका अध्यक्ष वेदबहादुर थापाले जानकारी दिए ।