गुल्मी सुनचाँदी व्यवसायी संघको अध्यक्षमा झविन्द्र सुनार

७ पुस २०८१ गुल्मी । गुल्मी सुनचाँदी व्यवसायी संघ गुल्मी जिल्ला कार्य समितिको अध्यक्ष पदमा पराल्मिका झविन्द्र सुनार सर्वसम्मत चयन भएका छ्न ।

शनिबार सदरमुकाम तम्घासमा सम्पन्न संघको आठौं साधरण सभा तथा चौधौं जिल्ला अधिवेशनले पुर्व उपाध्यक्ष रहेका सुनारलाई अध्यक्षमा सर्वसम्मत चयन गरेको हो ।

त्यस्तै वरिष्ठ उपाध्यक्षमा राम बहादुर सुनार ( दिपक ) उपाध्यक्ष त्रैय: ज्ञानेन्द्र सुनार , हेमन्त सुनार र कमल सुनार चयन भएका छ्न ।

संघको महासचिवमा राम वराल सर्वसम्मत चयन भएका छ्न । सचिबमा सुवर्ण बराल , सहसचिवमा श्रीकृष्ण सुनार र कोषाध्यक्षमा इन्द्र बहादुर चुदरा ( रमेश ) चयन भएका छ्न ।

पदाधिकारी सहित २७ सदस्यीय कार्य समिति चयन भएको नवनिर्वाचित अध्यक्ष सुनारले जानकारी दिए ।
गुल्मीमा सुनचाँदी व्यवसायी फर्मका रुपमा १०९ वटा दर्ता भएका छ्न ।

त्यसमा एउटा पनि महिलाको नाममा नहुँदा महिलाहरु कार्य समितिमा आउन नसकेका हुन ।

सुनको मुल्यले आकाश छुदै जादा र आर्थिक मन्दीले लगानी गर्न नसक्दा गाउँका सुनारहरु अन्य पेशामा पलायन भएका छ्न ।

साधरण सभामा गाउँका ति विस्थापित सुनारहरुलाई कसरी परंरागत पेशामा फर्काउने भन्ने बारे चिन्तन चलेको पाईएन ।

त्यसो त स्थापित भनिएका बजार क्षेत्र कै सुनारहरु धारासायि भएको र कालिगड टिकाउन नसक्ने अबस्थामा पुगेको चिन्ता ब्यक्त गर्दै थिए ।

अधिवेशनको लुम्बिनी प्रदेश सदस्य डिल्लीराज भुसालले उद्घाटन गरेका थिए ।