प्रहरी निरीक्षक दलबहादुर रानालाई स्थानीयले सम्मान गर्दा खै प्रहरी ?

प्रेम सुनार
गुल्मी, ६ पुस २०८१ । राष्ट्रकै एक होनहार सपुद ! नेपाल प्रहरीको तर्फबाट अन्तराष्ट्रिय क्षेत्रमा समेत नेपालको झण्डा फर्फराएर देशको नाम उचो राख्न सफल खेल क्षेत्रको एक अब्बल पात्र ।जसको नाम हो दलबहादुर राना मगर । जसको भौतिक शरिर अहिले स्वर्गिय दलबहादुर राना मगरमा परिणत भएको छ तर उसको नाम र योगदान सधै जिवित छ , भईनै रहनेछ ।

२०५० को दशक सम्म देशकै चर्चित मुक्केवाजका रुपमा लोकप्रियता कमाएका उनै दलबहादुर रानाको नेपाल प्रहरीको प्रहरी निरीक्षकको पदमा कार्यरत छँदा २०५५ साल जेठ ४ गतेका दिन उपचारका क्रममा बिरेन्द्र प्रहरी अस्पतालमा ३७ बर्षको उमेरमा निधन भएको थियो । २०३६ सालमा प्रहरी निरक्षकमा निुयुक्ती पाएका राना मगर २०३७ साल देखि बक्सिङ्गमा राष्ट्रिय खेलाडीका रुपमा सहभागि भए । लगत्तै उनर्ले अन्तराष्ट्रिय खेलाडीका रुपमा विभिन्न मुलकमा भाग लिई उनले देशलाई स्वर्ण पदक सहित विभिन्न पदकहरु दिलाए । तर उनको मृत्यु पश्चात उनको यथक योगदान पनि मर्न पुग्यो । अहिले उनै अथक योद्धाको मृत्यु भएको पनि २६ बर्ष भए छ ।

यो अवधी सम्म कसैले उनको फाटफुट नाम लिए पनि उनको योगदानको सम्मान गर्नेतिर कसैले चासो दिएका थिएनन । जेहोस ढिलै भए पनि उनको गृह जिल्लाको स्थानीय सरकारले उनको सम्मान गर्नु पर्छ भन्ने सोच्यो । जिल्लाको रेसुङ्गा नगरपालिका ४ जोगिथुम घर भएका राना मगरलाई उनैले विहान बेलुका घाम ताप्ने त कहिले गर्मीमा सितल छाहरी लिने चोक मै उनको प्रतिमा सहित स्मृति चोक स्थापना ग¥यो रेसुङ्गा नगरपालिकाले यो आफैमा सह्रानिय पक्ष थियो । अझ झन स्थानीय सरकारबाटै सम्मान पाउनु नेपाल प्रहरीका लागि थप हौसला र गर्वको कुरा थियो ।

प्रतिमाको रेसुङ्गा नगरपालिका मेयर खिलध्वज पन्थीले अनावरण गरेपछि नेपाल प्रहरीको एक टुकुडीले त्यस अवसरमा स्वर्गिय प्रहरी निरीक्षक दलबहादुर राना प्रति सम्मान गारद देला भन्ने अपेक्षा त्यहाँ सहभागि अगुवाहरुले गरेका रहेछन । तर औपचारिक रुपमा त्यहाँ प्रहरीको प्रतिनिधित्व सम्म देखिएन । एउटा सुरक्षा निकायको साहदत अधिकृतको सम्मान कार्यक्रममा सके त यहाँका चार वटै सुरक्षा निकायको प्रतिनिधित्व हुनुपर्दथ्यो । त्यति पनि नभए प्रहरीको त अनिबार्य प्रतिनिधित्व हुनु पर्ने देखिन्छ भन्दै थिए सहभागिहरु । आयोजक रेसुङ्गा नगरपालिका वडा नम्वर ४ , स्वयम नगरपालिका पनि । त्यस माथी नेपाल भुतपुर्व प्रहरी संगठन जिल्ला कार्य समिति । यी तिन वटैले तै प्रहरीलाई खबर नै गरेन कि ? भनेर हामीले जिज्ञाषा राख्यौं ।

वडा नम्वर ४ का वडाध्यक्ष लिलाधर आचार्य संग यसबारे जिज्ञाषा राख्दा उनले भने –‘यो पालिकाकै कार्यक्रम भएकोले हामीले यस बारे ख्याल गरेनौं । साँच्ची नै यो त प्रहरीले गर्ने पर्ने कार्य हो । उता स्वर्गिय दलबहादुरका भाई चिन्तामणि राना नै नेपाल भुतपुर्व प्रहरी संगठन जिल्ला कार्य समितिका सचिव हुन । नेपाल प्रहरीबाट असईमा अवकास प्राप्त उनलाई कतै तपाईले सुचित नगर्नु भएको कि ? भनेर हामीले सोध्धा उनि भन्छन –‘मैले त प्रहरी प्रमुख देखि सिडियो साव सम्मलाई पत्र दिई निमन्त्रणा गरी आएको हुँ । प्रहरीले सम्मान प्रकट गर्न त आउनु पर्दथ्यो तर यस बारे ख्यालै भएन । ;

उता रेसुङ्गा नगरपालिका मेयर खिलध्वज पन्थी र नेपाली कांग्रेस जिल्ला कार्य समिति सहसचिव छवि पाण्डे यो बिषय खड्कििएकै बिषय भएको बताउँछन । यस बारे हामीले जिल्ला प्रहरी कार्यालय गुल्मीका निमित्त कार्यालय प्रमुख डिएसपी शंकर पोखरेलको ध्यानकृष्ट गराएका थियौं । उनको जवाफ थियो , –‘उहाँ प्रति सम्मान नगर्ने कुरै छैन । हिजोको हकमा यहाँ धेरै घटनाहरु घटे । हामी त्यता बिजी भईयो । तै पनि दुई जना भाईहरुलाई सुरक्षार्थ खटाएका थियौँँ । हिजो हाम्रो तर्फबाट सम्मान दिन नसके पनि आगमी दिनमा अबश्य सम्मान गर्नेनै छौं । ’