गुल्मीको मुसिकोटमा जिप दुर्घटना, एक जनाको मृत्यु, ३ जना घाईते

गुल्मी: गुल्मीको मुसिकोट नगरपालिका, वडा नम्बर ९, ददल्कामा पिकअप जिप दुर्घटना हुँदा ६ जना घाईते भएका छन् भने एक जनाको उपचारका क्रममा ज्यान गएकाे छ।

मुसिकोट नगरपालिका, वडा नम्बर ९, उर्लेनीबाट बाग्लुङको काँडेबास जाँदै गरेको लु १ च ७२९८ नम्बरको पिकअप जिप मुसिकोट-९, ददल्कामा शुक्रबार दिउँसो दुर्घटना भएको हो। दु,र्घटनामा परि जिपमा सवार ६ जना घाइते भएका छन। घाइते मध्ये चालक सहित ३ जनाकाे अवस्था गम्भिर छ।

साेही घटनामा गम्भिर घाईते भएका वर्ष ५५ का काले कामीको वामीटक्सारमा उपचारका क्रममा ज्यान गएको छ भने  ३ जना गम्भिर घाइतेलाई उपचारको लागि पाल्पा पठाइकाे र बाँकी ३ जनाको वामीटक्सार स्वास्थ्य चाैकीमा उपचार भइरहेकाे बताईएको छ।

वडा नं. ९ का वडा सदस्य समेत रहेका चालक श‌ंकर परियार सहित ३ जना घाइतेलाई उपचारको लागि पाल्पा पठाइएकाे हो। जिप सडकबाट करिब ५० मिटर तल खसेको र चिप्लो बाटाेका कारण दुर्घटना भएको हुन सक्ने प्रहरीको प्रारम्भिक अनुमान रहेको छ।