गुल्मीमा रोकिराखेको ट्रकसंग स्कार्पियो ठोक्किदा तीन जना घाईते

गुल्मी: जिल्लाको छत्रकोट गाउँपालिका-४, श्रृङ्गामा रोकिराखेको ट्रक संग  स्कार्पियो ठोकिदा तीन जना घाईते  भएका छन्।

बिहिवार बिहान ७:३० बजेको समयमा तम्घास बाट बुटवल तर्फ जाँदै गरेको लु १ ज ३९६० नम्वरको स्कार्पियो श्रृङ्गामा रोकिराखेको  लु २ ख ४४२७ नम्वरको ट्रक संग ठोकिदा ३ जना सामान्य घाईते भएका हुन्।

घाईते हरुनेहरु रेसुङ्गा नगरपालिका ९ का ४७ वर्षीय पुरन नेपाली, उनकी ४४ वर्षीया श्रीमती चन्द्रि कुमारी नेपाली र रेसुंगा नगरपालिका-१३ का ४२ वर्षीय मिठु बस्नेत घाइते भएको जिल्ला प्रहरी कार्यालय गुल्मीले जनाएको छ।

उनिहरुलाई श्रृङ्गा प्राथमिक स्वास्थ केन्द्रमा सामान्य उपचार पछि थप उपचारको लागि पाल्पा रेफर गरिएको गुल्मी प्रहरीले बताएको छ।