गुल्मीमा जिप दुर्घटना हुँदा एक जना घाईते

गुल्मी, कार्तिक ४: गएराती गुल्मीमा जिप दुर्घटना हुँदा त्यसका चालक गम्भीर घाईते भएका छन। जिल्लाको धुर्कोट गाउँपालिका-६, कमरचाल्नेका २९ बर्षीय कमल जिसी आफैले चलाएको लु ३ च ७१५३ नम्बरको डबरक्याव बलेरो जिप दुर्घटना हुँदा गम्भीर घाईते भएका हुन।

वडा नम्बर ४ को बर्वोटबाट नादी जाँँदै गरेको अबस्थामा ब्रेक फेल भई ढिस्कोमा ठोक्कीन जाँँदा जिसी घाईते भएको जिल्ला प्रहरी कार्यालय गुल्मीका सुचना अधिकारी डिएसपी गंगाबहादुर सारुले जानकारी दिनुभयो।

जिसीलाई तत्काल धुर्कोट आधारभुत अस्पतालमा उपचार्थ लगिएको र त्यहाँबाट गुल्मी अस्पताल हुँदै थप उपचारका लागि लुम्बिनी मेडिकल कलेज पाल्पा प्रभास रिफर गरिएको डिएसपी सारुले हामीलाई पठाएको विवरणमा उल्लेख छ । जिपमा जिसी मात्र सवार रहेको बताईन्छ ।