गुल्मीमा जंगली च्याउ खाएका ६ जना बिरामी

गुल्मी, असोज २: गुल्मीको एक टोलमा हिजो जंगली च्याउको तरकारी खाएका ६ जना मानिस बिरामी परेका छ्न। जिल्लाको गुल्मीदरबार गाउँपालिका-१, बलिथुमको मुरा टोलमा जंगली विषालु च्याउको तरकारी संग खाना खाँँदा एकै परिवारका ५ जना र छिमेकी एक जना सहित ६ जना बिरामी  परेको प्रहरीले जनाएको छ।

बिरामी पर्नेहरुमा ८३ बर्षका केरसिंह रजाली , उनकी बुहारी बर्ष ३३ की हिमा रजाली , नातिनीहरु बर्ष १६ की एलिना रजाली , बर्ष १३ की बिपना रजाली , बर्ष १० का नाती किरण रजाली र छिमेकी ३६ बर्षिया बिपना रजाली रहेको जिल्ला प्रहरी कार्यालय गुल्मीले जनाएको छ ।

सो कार्यालयका अनुसार उप्त खबर पाउन साथ प्रहरी चौकी मजुवा बाट प्रहरी हवल्दार तिलक हिस्कीको कमान्डमा खटिएको प्रहरी टोली घटना स्थलमा पुगेर बिरामीहरुलाई मजुवाको शुभ सारथि मेडिकलमा ल्याई उपचार्थ भर्ना गराएको छ । उनिहरुको स्वास्थ्य अबस्था मध्यम रहेको जनाईएको छ ।