पृथ्वी मावि पुर्कोटदहका विद्यार्थीलाई बाटैबाट अपरिचित व्यक्तिद्वारा अपहरण

गुल्मी: गुल्मीको मदाने गाउँपालिका-६, पुर्कोटदह स्थित पृथ्वी माध्यमिक विद्यालयका एक जना विद्यार्थी विद्यालय आउँदै अपहरणमा परेको प्रधानाध्यापक मदन ब. कुँवर क्षेत्रीले जानकारी दिनुभयो।

उहाँका अनुसार कक्षा ७ मा पढ्ने भुवन कुँवरलाई वडा नम्बर-७, भनभनेको बाँसडाडा स्थित घरबाट विद्या‌लय आउँदै गरेका उनलाई कन्के देउराली तलको सडकबाट नकावधारी चार जना अपरिचित युवाहरुको समूहले घिसार्दै ग्वारीको जङ्गल तर्फ लगेका छन। सङ्गै आएका ८ जना मध्ये सुरुमा विद्यार्थीहरुले रुदै फोन मार्फत जानकारी गराए पछि विद्यालयले प्रहरीलाई सुचित गरेको थियो। शुरुमा दुई जना छात्रलाई टाई निकाले बाँधेका थिए ७ की छात्रा आयुष्मा ताम्राकारले भनिन, ‘तिमिहरुलाई मार्छम र किड्नी निकालेर लैजान्छौँ।’

ती छात्राहरुका अनुसार ती मानिसहरु कालो अनुहारका छन। हिन्दी बोल्छ्न। जिल्ला प्रहरी कार्यालयका डिएसपी गङ्गा बहादुर सारुका अनुसार ईलाका प्रहरी कार्यालयबाट खोजतलासका लागि प्रहरी परिचालन गरिएको छ। विद्यालयका पुरै शिक्षक विद्यार्थीहरु पनि परिचालित भएका छन्।