चैते दशैँको खानखाने क्रममा मासु अड्किएर एक जनाको मृत्यु

अछाम, चैत्र २३ । आज चैते दशैंको खानपिन गर्ने क्रमा घाँटीमा मासु अड्किएर अछाम जिल्लाका एक जना ब्यक्तिको मृत्यु भएको छ।  जिल्लाको साँफेबगर नगरपालिका ५ नवाठानाका ४२ वर्षीय डम्मर कुँवरको मृत्यु भएको त्यहाँको प्रहरीले जानकारी दिएको छ ।

आज चैतेदसैंको विहान छिमेकमा काटिएको काटेको खसीको मासु पकाएर खाने क्रममा कुँवरको घाँटीमा मासु अड्किएको र  अचेत भएका उनलाई उपचारका लागि स्थानीय स्वास्थ्य संस्थामा लैजाने क्रममा मृत्यु भएको

जिल्ला प्रहरी कार्यालयका प्रहरी निरीक्षक जया पार्कीले जानकारी दिए । मृतकको शव पोष्टमार्टम गर्ने देखि घटना बारे अनुसान्धान भईरहेको पार्कीले बताए ।