के यो मुलुक बिचौलियाहरुको मात्रै हो ? ः चन्द्र भण्डारी

गुल्मी , चैत्र १ । नेपाली कांग्रेस का नेता तथा गुल्मी क्षेत्र नम्बर १ का प्रतिनिधी सभा सदस्य डाक्टर चन्द्र भण्डारीले के यो मुलक पुँजिपति र विचौलियाको मात्रै हो ? भन्ने प्रतिप्रश्न गरेका छन । शुक्रबार इस्मा गाउँपालिकामा नेपाली कांग्रेस गुल्मी क्षेत्र नम्बर २ को प्रथम क्षेत्रीय सम्मेलनलाई सम्बोधन गर्दै नेता भण्डारीले यस्तो प्रतिप्रश्न गरेका हुन ।

नेता भण्डारील् के यो मुलुक पुँजिपति, विचौलियाको मात्रै हो ? भन्ने प्रति प्रश्न गर्दै भने –‘ म पनि मेरै नेताहरु संग सन्तुष्ट छैन, म साढे पाँच बर्ष जेल गएको , पिटाई खाएको यीनैहरुलाई प्रधानमन्त्री , मन्त्री बनाउन होईन , य यिनीहरुले जसलाई मन्त्री बनाए पनि हुने जसलाई नियुक्ती गरे पनि हुने यो बन्द गरिनु पर्छ ।’

मुलुक भित्रको नदिनालाबाटै देश बनाउन सकिन्छ , तर यहाँ नदिनाला किनारमा हामी बस्ने हामी , विपद खोप्ने हामी तर फाईदा जति लिने अरु भन्दै नेता भण्डारीले २ लाख देखि ५ लाख सम्मको शेयर सिमान्तकृत जनतलाई दिएर बिद्युत उत्पादन बढाई देश र जनतालाई समृद्ध बनाउन सकिने धारणा राखे ।

‘ हाम्रो पार्टीमा होस वा कम्युनिष्ट पार्टीमा होस ठुलाठुला घर बनाउनेहरु बढे । मन्त्री बनाउने र नियुक्ती जसलाई गराए पनि हुने ’– नेता भण्डारीले भने – यो प्रवृत्तिले हाम्रै पार्टी पनि ढल्छ । ’

कार्यक्रममा नेपाली कांग्रेसका केन्द्रिय सदस्य त्रैलोक्यप्रताप सेन, लुम्बिनी प्रदेश उपसभापति भुवनप्रसाद श्रेष्ठ , जिल्ला पार्टी सभापति खिलध्वज पन्थी, सचिव भगतसिंह खडका , विभिन्न तहका नेताहरु छन्दबहादुर पहराई , बिष्णुकुमारी सापकोटा , डाक्टर दामोदर भुसाल , प्रेम भण्डारी , महेन्द्र भण्डारी, महिला संघका जिल्ला अध्यक्ष लक्ष्मी पाण्डे लगायतले शुभकामना मनतव्य राखेका थिए ।

कार्यक्रममा सो पार्टी निकट विभिन्न तहका जनप्रतिनिधी, पर्यवेक्षक र कार्यकर्ताहरुो ब्यापक सहभागिता रहेको थियो । सम्मेलनको अवसरमा नेपाली कांग्रेसबाट रेसुङ्गा नगरपालिकाको उपमेयरमा विजयी अमृतादेवि कुँवर , इस्मा गाउँपालिकामा उपाध्यक्षमा विजयी पार्वती कुँवर , जिल्ला समन्व्य समितिमा विजयी सुनिता जिसी लगायतलाई सम्मान गरिएको थियो ।

क्षेत्रीय सभापति चन्द्रबहादुर महतको अध्यक्षता रहेको कार्यक्रमा उपसभापति झविन्द्र अर्यालको स्वागत मन्तव्य र सचिव अनिल बस्नेतको सञ्चालन रहेको थियो ।