स्थानीय सरकारको बेथिती रोक्न रास्वपा गुल्मीको खबरदारी

पुस १३ गुल्मी । राष्ट्रिय स्वतन्त्र पार्टी ( रास्वपा ) गुल्मीले स्थानीय सरकारबाट भएका वेथिती विरुद्ध निरन्तर खबरदारीमा लाग्न कार्यकताहरुलाई निदेर्शित गरेको छ । सो पार्टीका गुल्मी जिल्ला पार्टी सभापति भोजराज पाण्डेले कार्यकर्ताहरुलाई यस्तो निर्देशन गरेका हुन । जिल्लामा पुराना पार्टीहरुको हुकुमी दवदवालाई नागरिक स्तर सम्म सम्प्रेषण गरि जनताको दैनिक सरोकारका बिषयहरुमा निरन्तर खबरदारी गर्ने , स्थानीय सरकार सञ्चालन गर्ने क्रममा भएको वेथिती रोक्न निरन्तर खबरदारी गर्ने, जिल्लाका हरेक स्थानीय तहमा एक घर एक रास्वपा अभियान सञ्चालन र जुझारु ईमान्दार र नैतिकवान जनसमुहलाई पार्टीमा समाहित गर्ने सभापति पाण्डेले आव्हान गरेका छन ।

नेपाल प्रहरीको ३० बर्षे सेवा अबधी पार गरि गत भदौ १६ गते जिल्ला प्रहरी कार्यालय मुस्ताङ्गको प्रहरी प्रमुख प्रहरी नायव उपरिक्षक ( डिएसपी ) पदबाट अवकास लिएका पाण्डे लगत्तै रास्वपामा प्रवेश गरेका थिए । त्यस पछि गृह जिल्ला गुल्मी आएका पाण्डेलाई सो पार्टीको गुल्मी जिल्ला भेलाले उनलाई गत कार्तिक २४ गते जिल्ला पार्टी सभापतिमा सर्वसम्मत रुपमा चयन गरेको थियो ।

राजनीति शस्त्रमा एमए र कानुनमा स्नातक गरेका पाण्डे नेपाल प्रहरीमा छँदा सिर्जनिशल र पेशामा अब्बल अधिकृतका रुपमा चिनिन्थे । जिल्ला प्रहरी कार्यालय मुस्ताङ्गको एक बर्षे कार्यकालमा पाण्डे गण्डकी प्रदेशको उत्कृष्ट प्रहरीका रुपमा पुरस्कृत समेत भएका थिए ।गुल्मीको तम्घास घर भएका पाण्डे परिबार पुरना राजनैतिक दलमा आश्था राख्छन ।

पारिबारिक पृष्ठभुमी त्यस्तो छ, तपाई कसरी बदलिनु भयो त ? भन्ने प्रश्नमा पाण्डेले भने परिबारिक पृष्ठभुमि हेरेर हुँदैन, म यत्रो बर्ष सम्म नेपाल प्रहरीमा रहेर देश काल र परिस्थीति बुझे । पुराना राजनैतिक दलहरुबाट जनताको अपेक्षा पुरा हुन सक्दन भन्ने निर्णयमा पुगेर रास्वपा नै एक मात्र विकल्प ठानेर लागेको हुँ ।

उनले पुराना पार्टीमा बिचार र शिद्धान्त भन्ने कुरा स्खलित भएको र जनताले बिश्वास गर्न छाडेको आरोप लगाए । रास्वपा गुल्मीको अबस्था के छ त भन्ने प्रश्नमा पाण्डेले भने अहिले वाहिर देखिएर लाग्नु भएको छैन तर हाम्रो पार्टीमा आस्था राख्नेहरुको संख्या गुणात्मक रुपमा बढ्दो छ ।