उद्योग बाणिज्य संघ मजुवाको अध्यक्षमा पुनः गौतम

प्रेम सुनार

गुल्मी, मंसिर २१ । गुल्मी उद्योग बाणिज्य संघ , मजुवा शाखाको अधिवेशनले  अध्यक्ष पदमा पुनः लक्ष्मीप्रसाद गौतमलाई अध्यक्षमा निर्वाचित गरेको  छ ।

शनिवार मजुवामा सम्पन्न  दोश्रो अधिवेशनले गौतमलाई अध्यक्ष पदमा सर्वसम्मत निर्वाचित गरेको हो ।

मानका टिकारम बहुमुखी क्याम्सका सहायक क्याम्पस प्रमुख  तथा निर्वाचन अधिकृत चुन्न प्रसाद अर्यालले अध्यक्षमा गौतम , उपाध्यक्षमा दधिराम सापकोटा , सचिवमा चन्द्र बस्नेत कोषाध्यक्ष मुमप्रसाद श्रेष्ठ निर्विरोध निर्वाचित भएको घोषणा गरेका थिए ।

त्यस्तै कार्य समिति सदस्यहरुमा ईन्द्रमणि अर्याल. , हरिप्रसाद अर्याल, कृष्णप्रसाद श्रेष्ठ , गणेश बस्नेत , कमल सुनार , सिता बिक , हरिराम भट्टराई , रेनुका श्रीस् , हर्क बस्नेत र खिमहादुर भलामीलाई पनि निर्वाचन अधिकृत अर्यालले  निर्विरोध निर्वाचित घोषणा गरेका थिए । अधिवेशनका चन्द्रकोट गाउँपालिका अध्यक्ष युवराज केसीले उद््घाटन गरेका थिए । कार्यक्रमममा त्यस पालिकाका उपाध्यक्ष बिष्णुप्रसाद भण्डारी, गुल्मी उद्योग बाणिज्य संघ जिल्ला अध्यक्ष ईश्वरीप्रसाद पौड्याल ,   उपाध्यक्ष मृगेन्द्र प्रसाद श्रेष्ठ , महासचिव ईश्वरीप्रसाद वेलवासे , चन्द्रकोट ८ का वडाध्यक्ष फणिन्द्र राज भण्डारी , ७ का वडाध्यक्ष अनन्तराम भण्डारी,    त्यस पालिका कार्य समिति सदस्य बिष्णुमाया सापकोटा , वडा सदस्य त्रैयः चन्द्रबहादुर बस्नेत  लगायतको बिशेष आतिथ्यता थियो ।  गुल्मी उद्योग बाणिज्य संघको  मुसिकोट , रिडी र  शान्तिपुर शाखाको अधिवेशन सम्पन्न भएको छ । बलेटक्सारको मात्र बाँकी रहेका जनाईएको छ ।

      अग्रणी शाखा

मजुवा शाखाले अघिल्लो कार्यकालमा  ब्यापार , व्यवसायिहरुको हकहितमा भन्दा बढि मानविय उद्धारको क्षेत्रमा बढि काम गरेको थियो । दजाकोटमा आगोलागि हुँदा चौबिसै घण्टा खटनुका साथै देश विदेशबाट र स्थानीय ब्यापारिहरुबाट  ठुलो परिणाममा सहयोग  जुटाउन  संस्थागत रुपमा अग्रणी भुमिका  खेलेको थियो । अन्य विपद्का घटना र मानव उद्धारमा पनि मजुवा शाखा जुट्दै आईरहेको छ ।  अध्यक्ष  लक्ष्मी प्रसाद गौतमको सभापतित्वमा सम्पन्न अधिवेशनमा  सदस्य रेणु श्रीसको सञ्चालन रहेको थियो ।