गुल्मी जेठ २९ । नेकपा एमाले गुल्मीको १२ औं जिल्ला अधिवेशन आजदेखि शुरु हुने भएको छ । जेठ २९ र ३० गते दुई दिनसम्म चल्ने अधिवेशनको उद्घाटन गर्न पार्टी अध्यक्ष तथा पुर्व प्रधानमन्त्री केपी शर्मा ओलि आउने भनेर ब्यापक प्रचार गरिएको भए पनि नआउने भएको सो पार्टीले जनाएको छ ।
अधिवेशनको सम्पुर्ण तयारी पुरा भएको नेकपा एमाले गुल्मीका सचिव एबं प्रचार प्रसार बिभाग प्रमुख गणेश श्रीपालीले जानकारी दिए ।
सदरमुकाम तम्घासमा हुन लागेको अधिवेशनको उद्घाटन गर्न सो पार्टीका उपमहासचिव प्रदीप ज्ञवाली आएको बताईएको छ ।त्यस्तै पार्टि सचिव गोकर्ण बिष्ट, गुल्मी जिल्ला इन्चिार्ज सूर्य थापा, अन्य केन्द्रिय सदस्यहरु, प्रदेशका नेताहरुकोसहभागिता रहने भएको छ ।
अधिवेशनमा करिब ७ सय प्रतिनिधी सहभागि हुने सचिव श्रीपालीले बताए ।अधिवेशनबाट आगामी ३ वर्षका लागि १ सय ५ जनाको जिल्ला कमिटी निर्वाचित हुनेछ ।
जसमध्ये ५ जनाको पदाधिकारी हुनेछ । नेकपा एमाले गुल्मीमा १० हजार बढी संगठीत सदस्य रहेको पार्टीले जनाएको छ । अध्यक्ष पदका लागि निवर्तमान अध्यक्ष बाल सिंह काउछा र सचिवालय सदस्य हिरा एसि बिच कडा प्रतिस्पर्धा हुने चर्चा छ ।
|
ओझेलका खबरलाई फेसबुक, एक्स, इन्स्टाग्राम वा टिकटकमा फ्लो गर्नुहोस्। कार्यक्रम ओझेलका खबर र ओझेलका खबर डटकम विशेष रिपोर्टहरु हेर्न Ojhelka Khabar TV युट्युब च्यानल सब्स्क्राइब गर्नुहोस्। |
