रोल्पाको रुइनिबाङ बजारमा मोबाइल पसलमा आगलागी, ७० लाखको क्षति

रोल्पा । रोल्पाको सुनिलस्मृति गाउँपालिका–३, रुइनिबाङ बजारस्थित एक मोबाइल पसलमा आगलागी हुँदा करिब ७० लाख रुपैयाँ बराबरको क्षति भएको छ।

सोमबार बिहान करिब २:३० बजे स्थानीय विकास गुप्ताले सञ्चालन गर्दै आएको लक्ष्मी मोबाइल सेन्टरमा एक्कासि आगलागी भएको हो।

आगलागीबारे बिहान ३:३० बजे इलाका प्रहरी कार्यालय सुलिचौरमा खबर प्राप्त भएपछि प्रहरी निरीक्षक अनिलकुमार चौधरीको कमाण्डमा सात जनाको प्रहरी टोली घटनास्थल पुगेको थियो। स्थानीय र प्रहरीको संयुक्त प्रयासमा बिहान करिब ४ बजे आगो पूर्णरूपमा नियन्त्रणमा लिइएको प्रहरीले जनाएको छ।

आगलागीबाट पसलभित्र रहेका विभिन्न कम्पनीका मोबाइल तथा मोबाइल मर्मतका पार्टपुर्जाहरू पूर्णरूपमा जलेर नष्ट भएका छन्। प्रहरीको प्रारम्भिक विवरणअनुसार करिब ७० लाख रुपैयाँ बराबरको क्षति भएको अनुमान गरिएको छ। प्रारम्भिक बुझाइमा विद्युत् सर्ट भएर आगलागी भएको देखिएको प्रहरीले जनाएको छ।

…..
पोस्ट मिति : २४ कात्तिक २०८३
समय : बिहान  १०.४० 

…..
ओझेलका खबर — खबर भित्रको खबर

……..
सन्तुलित आलोचना, रचनात्मक सुझाव र मार्गदर्शनमूलक टिप्पणीलाई स्वागत छ। गालीगलौज तथा अमर्यादित टिप्पणी नगरौँ।