नवलपुरमा सडक दुर्घटनामा परी एक युवकको मृत्यु, एक घाइते

 नवलपुर, कार्तिक २: गएराती नवलपुर जिल्लाको मध्यबिन्दु नगरपालिका-११, दमार स्थित भित्री सडकमा मोटरसाइकल दुर्घटनामा परी एक जना युवकको मृत्यु भएको छ। अर्का युवक गम्भीर घाईते भएका छन।

दमारबाट अरुणखोला तर्फ आउदै गरेको ग.प्र.०४-००१ प ४११३ नं.को मोटरसाइकल चालकले नियन्त्रण गुमाई सडक छेउको माटोको ढिस्को र सालको रुखमा ठोक्किन जाँदा मध्यबिन्दु नगरपालिका-१०, करमघारी बस्ने बर्ष २३ को सुदिप बरालको मृत्यु भएको हो।

सोही स्थानका बर्ष १९ का सुवित थापाको अवस्था गम्भिर रहेको जिल्ला प्रहरी कार्यालय नवलपुरका सूचना अधिकारी डिएसपी मधु नेपालले जानकारी दिनुभयो।