टिपर दुर्घटना हुँदा गुल्मीमा एक जनाको मृत्यु

गुल्मी , पुस १३  ।  गएराती गुल्मीको सत्यवती गाउँपालिकामा टिपर दुर्घटना हुँदा जनाको ज्यान गएको छ । एक जना घाइते भएको प्रहरीले जनाएको छ ।

रिडीबाट पुर्तिघाट तर्फ जाँदै गरेको लु१क ५४०० नम्बरको टिपर सत्यवती गाउँपालिका – २ को पाहादीस्थित कालिगण्डकी करिडोरमा दुर्घटना हुँदा टिपर चालक पाल्पाको रैनादेवि छहरा गाउँपालिका – १  निवासी २४ बर्षिय श्रीराम कुमालको मृत्यु भएको जिल्ला प्रहरी कार्यालय गुल्मीका प्रहरी प्रमुख एसपी) राजन भुजेले जानकारी दिए ।

टिपर दुर्घटनामा गम्भीर घाइते कुमालको उपचारको लागि जोहाङ्ग प्राथमिक उपचार केन्द्रमा लगिएकोमा डाक्टरले मृत्यु घोषणा गरेको एसपी भुजेलले बताए । दुर्घटनामा परि सल्यानको बनगाउ- ७ बस्ने २३ वर्षका मोहन जैसी सामन्य घाइते भएका छन् ।

दुर्घटनामा परेको टिपर सडकबाट अन्दाजी २० मिटर तल खसेको प्रहरीले जनाएको छ ।