भालुबाङ्ग बस दुर्घटना: मृतक १२ मध्ये ८ जनाको पहिचान खुल्यो

गुल्मी: गएराती इलाका प्रहरी कार्यालय दाङको भालुबाङ्गमा भएको बस दुर्घटनामा मृत्यु भएका १२ जना मध्ये ८ जनाको पहिचान खुलेको ईलाका प्रहरी कार्यालय भालुबाङले जनाएको छ। दुर्घटनास्थलमा भेटिएका कागजपत्रबाट ६ जना नेपाली नागरिक २ जना भारतीय नागरिकको पहिचान खुलेको सो कार्यालयले जनाएको छ।

प्रहरीका अनुसार मृत्यु हुनेमा नेपालगन्जका ६० वर्षीया कुसुम बस्नेत, जुम्लाका ४० वर्षीय मुनबहादुर रावत, मकवानपुरका ३० वर्षीय शौरभ विष्ट, बाँकेका ३० वर्षीय रामवरण हरिजन, रुकुमका २५ वर्षीय दीपक डाँगी, काठमाडौंका ६५ वर्षीय ताराकान्त पाण्डे, भारत पुर्विचम्पाटन लमहीका ६७ वर्षीय योगेन्द्र र भारत कै उत्तर प्रदेशका ३१ वर्षीय मुने भन्ने व्यक्ति रहेका छन।

नेपालगञ्जबाट काठमाडौं आउँदै गरेको भे १ ख ३९१२ नम्बरको बस गएराती करिब साढे १० बजेको समयमा राप्ती नदिको पुल भाँच्दै नदीमा खसेको थियो। दुर्घटनामा घाइते भएका १७ जनाकाे बुटवल र नेपालगञ्जमा उपचार भईरहेको जनाईएको छ।