बुटवल जाँदै गरेको बस पाल्पाको रिब्दिकोटमा दुर्घटना, ६ जनाको मृत्यु

पाल्पा: बाग्लुङको बुर्तिबाङ्ग बाट रुपन्देही बुटवलको लागि हिडेको बस पाल्पाको रिब्दिकोट गाउँपालिका वार्ड न २ लघुवामा अघि भर्खर दुर्घट्ना भएको छ।

बाग्लुङको बुर्तिबाङबाट बुटवलका लागि छुटेको लु १ ख ५९५२ नम्बरको बस पाल्पाको रिब्दिकोट गाउँपालिका–२ लगुवामा दुर्घटना भएको जिल्ला प्रहरी कार्यालय पाल्पाले जनाएको छ । दुर्घटनाको कारण खुलेको छैन।

जिल्ला प्रहरी कार्यालय पाल्पाका प्रवक्ता वीरेन्द्र थापाका अनुसार बसमा सवार २२ जना मध्य ६ जनाको घटनास्थलमै मृत्यु भएको र ११ जना घाइते भएको जानकारी प्राप्त भएको छ । उक्त ठाउँ नजिक यसअघि मलामी सवार बस दुर्घटना भएको थियो । बस सडकबाट करिब ३/४ सय मिटर तल खसेको प्रत्यक्षदर्शीले बताएका छन् ।

घाइतेहरूको तानसेन अस्पतालमा उपचार भइरहेको छ । अझै पुर्ण विवरण आउन भने बाँकी नै छ।