जापानमा गुल्मी आँपचौर सेवा समितिको भव्य देउसी–भैलो तथा सांस्कृतिक कार्यक्रम सम्पन्

टोकियो, जापान । गुल्मी आँपचौर सेवा समिति जापानको आयोजनामा नेपाली मौलिक कला, संस्कृति, परम्परा र आपसी एकतालाई प्रवर्द्धन गर्ने उद्देश्यले आयोजित भव्य देउसी–भैलो तथा सांस्कृतिक कार्यक्रम उत्साहपूर्ण वातावरणमा सम्पन्न भएको छ।

साँझ ७ बजेदेखि बिहान ५ बजेसम्म सञ्चालन भएको उक्त कार्यक्रममा करिब १०० जनाको उत्साहजनक उपस्थिति रहेको थियो। जापानमा रहेर पनि आफ्नो जन्मभूमि, गाउँठाउँ, मौलिक संस्कृति र परम्परालाई जीवन्त राख्ने उद्देश्यले आयोजना गरिएको कार्यक्रममा आँपचौरवासी तथा नेपाली समुदायका सदस्यहरूको उल्लेखनीय सहभागिता रहेको थियो।

कार्यक्रमको सञ्चालन सबिन खरेलले गर्नुभएको थियो भने सभाको अध्यक्षता गुल्मी आँपचौर सेवा समिति जापानका वर्तमान अध्यक्ष विष्णु खरालले गर्नुभएको थियो। गुल्मेली समाजका अध्यक्ष कृष्णबाबु पोखरेल प्रमुख अतिथिका रूपमा उपस्थित हुनुहुन्थ्यो।

त्यसैगरी महेन्द्र अधिकारी, तुलाराम तिवारी, गुणराज सापकोटा र बलदेव केसीलगायत नेत्रप्रसाद गैरे, महाशर्मा खराल, देवी अर्याल, विष्णु खरेल, प्रकाश खरेल, दधिराम खरेल, लक्ष्मण भट्टराई, चेतन अर्याल, जीवलाल खराल, भुवानन्द गैरे, गोपाल काफ्ले, शंकर बस्नेत, कुलबहादुर पोखरेल र शारदा पोखरेल विशिष्ट अतिथिका रूपमा सहभागी हुनुहुन्थ्यो।

   देउसी–भैलो, गीत–संगीत, नाचगान र आपसी आत्मीयताले भरिएको उक्त कार्यक्रमले जापानमा रहेका आँपचौरवासीहरूबीचको सम्बन्ध, सद्भाव र एकतालाई अझ प्रगाढ बनाएको थियो।

विदेशको व्यस्त जीवनशैलीका बीच पनि आफ्नो गाउँ, जन्मभूमि, कला, संस्कृति र परम्परालाई सम्झँदै एउटै ठाउँमा भेला भएर रातभर रमाइलो गर्नु कार्यक्रमको विशेष आकर्षण बनेको थियो।

समग्रमा, गुल्मी आँपचौर सेवा समिति जापानको यो कार्यक्रम केवल मनोरञ्जनमा सीमित नरही नेपाली मौलिक संस्कृति, सामाजिक सद्भाव, आपसी एकता र जन्मभूमिप्रतिको मायालाई उजागर गर्ने एउटा स्मरणीय जमघटका रूपमा सम्पन्न भएको छ।
…….
संवाददाता : तुलाराम तिवारी
…….
पोस्ट मिति : २७ कात्तिक २०८३
समय : ०९ : ४५ 
……..
ओझेलका खबर — खबर भित्रको खबर
……..
सन्तुलित आलोचना, रचनात्मक सुझाव र मार्गदर्शनमूलक टिप्पणीलाई स्वागत छ। गालीगलौज तथा अमर्यादित टिप्पणी नगरौँ।